Mol go‘shti va kartoshkadan mazali taom tayyorlaymiz

Mol go‘shti va kartoshkadan tayyorlanadigan tushyonka juda mazali ta’mga ega. Unga o‘zingizga yoqqan boshqa sabzavotlarni va ko‘katlarni qo‘shishingiz mumkin.

Pishirish uchun mol go‘shti, kartoshka va boshqa mahsulottlarni qanday tayyorlash mumkin?

• Pishirishdan oldin mol go‘shtini yaxshilab yuvishni unutmang. Barcha yog‘larni, tomirlarni va plyonkalarni olib tashlang. Aks holda, go‘sht qattiq bo‘lib pishadi. Agar bor bo‘lsa, to‘g‘ralgan seldrey, paprika, sarimsoq va lavr yaprog‘i qo‘shishingiz ham mumkin.
• Mol go‘shti bilan pishiriladigan kartoshkani tozalash va o‘rtacha bo‘laklarga bo‘lish kerak. Kattaroq bo‘laklarni pishirish uchun ko‘proq vaqt ketadi va kichikroq bo‘laklar pyurega aylanishi mumkin.
• Sabzi va piyozni ham yuvib, tozalang. Sabzavotlarni kub shaklida to‘g‘rang yoki qirg‘ichdan o‘tkazing. Sabzini kub shaklida to‘g‘rab oling va qirg‘ichdan o‘tkazing. Piyozni ham kub yoki yarim parrak shaklida to‘g‘rash mumkin.

• Agar taomning ko‘proq parhezli bo‘lishini istasangiz, mol go‘shtini qovurish o‘rniga qaynatishingiz mumkin.
• Suv o‘rniga sho‘rvadan foydalanish mumkin. Bu retsept uchun mol go‘shti sho‘rvasi eng yaxshi variant, biroq sabzavotli sho‘rvadan foydalansa ham bo‘ladi.
• Mol go‘shtini nafaqat tovada, qozonda yoki multivarkada ham pishirishingiz mumkin. Bunday holatda go‘sht, kartoshka yaxshi qovurilishi uchun multivarkadagi ko‘rsatmalarni tekshirib olish kerak.

• mol go‘shti — 350 gr
• kartoshka — 5 dona
• piyoz — 100 gr
• sabzi — 1 dona
• suv — 400 ml.
• o‘simlik yog‘i — 3 osh qoshiq.
• tuz va qalampir — ta’bga ko‘ra
• ko‘katlar — ta’bga ko‘ra

1. Mol go‘shtini mayda kubiklar shaklida bo‘lib oling.
2. Ichi chuqurroq tovaga o‘simlik yog‘ini soling va mol go‘shtini qovuring. Ta’bga ko‘ra ziravorlar qo‘shing.
3. Mol go‘shti qizarishi bilanoq, idishga 200 ml suv soling. Tovani qopqoq bilan yoping va suv to‘liq bug‘lanib ketguncha qaynatib oling. Bunga 10-20 daqiqa vaqt ketishi mumkin.
4. Idishga sabzi va piyozni soling. Vaqti-vaqti bilan aralashtirib, ularni 5-7 daqiqa davomida qovuring.
5. Kartoshkani solib tuz bilan aralashtiring.
6. Idishga yana 200 ml suv qo‘shing va suv idishning kamida yarmini qoplashi kerak.
7. Tovani qopqoq bilan yoping va mahsulotlarni qaynatib oling. Olovni pasaytirib, kartoshka va mol go‘shti yumshoq bo‘lgunga qadar taxminan 25 daqiqa davomida qopqoq ostida sabzavotli mol go‘shtini pishiring.

Tayyor taomni 15 daqiqaga qoldirib, keyin dastuxonga tortish mumkin. Taomni iste’mol qilishdan oldin qovurilgan mol go‘shtiga yangi ko‘katlar, maydalangan pishloq, bir bo‘lak sariyog‘ yoki ta’bga ko‘ra ziravorlar qo‘shish mumkin.

Mavzuga doir: 

• Tvorog va malina qo‘shib tayyorlanadigan mazali zapekanka retsepti.
• Kolbasa, pishloq va pomidor qo‘shib pechda pishiriladigan mazali lavash retsepti.
• Dolchin va mayizdan mazali bulochka tayyorlaymiz.
• Mol go‘shti va yong‘oq qo‘shib tayyorlanadigan gruzincha sho‘rva — xarcho retsepti.