Юмшоқ ширинлик ёқимли ҳидга ва мазали таъмга эга. Хамирнинг ичига ўзингизга ёққан мураббони қўшишингиз мумкин.
Хамир учун керакли масаллиқлар:
- сариёғ — 65 г
- сут — 300 мл
- апельсин — 1 дона
- ун — 500 г
- туз— 1 қошиқ
- хамирни тез ачитувчи хамиртуруш — ярим қошиқ
- шакар — 50 г
- тухум — 1 дона
- майиз — 85 гр
- сариёғ — бир ярим қошиқ ва мойлаш учун
- жигарранг шакар — 100 г
- майдаланган долчин — 2 қошиқ
- Кичкина идишда сариёғни эритиб олинг. Сутни солинг ва аралаштиринг, аралашмани тахминан 35-40 ҳароратда бўлгунга қадар қиздиринг.
- Майда тишли қирғичдан фойдаланиб, апельсиннинг пўстлоғини олиб ташланг, уни эланган ун, туз, хамиртуруш ва шакар билан аралаштиринг. Тухумни вилка ёрдамида аралаштириб олинг.
- Ун аралашмасининг марказида чуқурча ҳосил қилинг. Унга сариёғ ва тухум билан илиқ сутни қўшинг. Юмшоқ ва бироз ёпишқоқ бўлган хамир ҳосил қилинг.
- Хамирни тўп шаклига келтиринг, катта идишга солиб, устини пишириқ пакети билан ёпинг ва бир ярим, икки соат иссиқ жойга қўйинг.
- Майизларни 10-15 дақиқа давомида илиқ сувга солиб қўйинг ва кейин сувдан олиб яхшилаб қуритинг. Пишириқ идишини сариёғ билан ёғланг. Шакарни долчин билан аралаштиринг.
- Хамир ҳажмидан икки баробар катталашганда, уни, тахминан, 30х40 см ўлчамдаги тўртбурчаклар қатламига айлантиринг.
- Хамирга эриган сариёғни бир текис суртинг, кейин устидан шакар аралашмаси ва майиз сепинг.
- Қисқа томондан тўртбурчакни ўрамга айлантиринг, қирраларига шакл бериб чиқинг ва уни 10 ёки 12 қисмга бўлинг.
- Хамирни пишириқ варағига қўйинг, устини сочиқ билан ёпинг ва 30-40 дақиқа давомида илиқ жойда қолдиринг.
- Печни 190 даража ҳароратда олдиндан қиздиринг. Долчинли ва майизли булочкаларни қизаргунга қадар 20-25 дақиқа давомида пиширинг.
Мавзуга доир:
Изоҳ (0)