Лионель Месси ЖЧ—2022 дан сўнг келажаги борасида якуний қарор қабул қилади

«ПСЖ» ҳужумчиси Лионель Месси ўз келажаги борасида аниқ қарор қабул қилгани йўқ.

Фабрицио Романонинг хабарига кўра, «Барселона» раҳбарияти аргентиналик футболчини ортга қайтариш имкониятларини кўриб чиқмоқда. Парижликлар эса 2023 йил ёзда шартномаси якунига етадиган Мессини жамоада олиб қолишга уринади.

Аргентиналик журналист Вероника Брутани ижтимоий тармоғига «2023 йил 1 июль куни Лионель Месси ‘Барселона’ футболчисига айланади», — деб ёзиб қолдирган.

Футболчининг атрофидагилар у ҳали бирор қарор қабул қилмаганини таъкидламоқда. COPE Лео ЖЧ—2022 дан сўнг якуний қарорга келади деб ёзмоқда.

2022/23 йилги мавсум Месси Франция чемпионатида 9 та ўйинда майдонга тушиб, 5 та гол ва 7 та голли узатмага муаллифлик қилди.

35 ёшли футболчи 2003 йилдан 2021 йилга қадар каталонияликлар шарафини ҳимоя қилган. Лео «Барселона» сафида 835 та ўйинда иштирок этиб, 709 та гол урган. Испан клуби сафида 10 марта Испания чемпионати, 7 марта Испания Кубоги, 8 марта Испания Суперкубоги, 4 марта Чемпионлар Лигаси, 3 марта УЕФА Суперкубоги ва 3 марта клублар ўртасидаги Жаҳон Чемпионатида зафар қучган.