“PSJ” hujumchisi Lionel Messi o‘z kelajagi borasida aniq qaror qabul qilgani yo‘q.
Fabrisio Romanoning xabariga ko‘ra, “Barselona” rahbariyati argentinalik futbolchini ortga qaytarish imkoniyatlarini ko‘rib chiqmoqda. Parijliklar esa 2023-yil yozda shartnomasi yakuniga yetadigan Messini jamoada olib qolishga urinadi.
Argentinalik jurnalist Veronika Brutani ijtimoiy tarmog‘iga “2023-yil 1-iyul kuni Lionel Messi ‘Barselona’ futbolchisiga aylanadi”, — deb yozib qoldirgan.
Futbolchining atrofidagilar u hali biror qaror qabul qilmaganini ta’kidlamoqda. COPE Leo JCH—2022 dan so‘ng yakuniy qarorga keladi deb yozmoqda.
2022/23-yilgi mavsum Messi Fransiya chempionatida 9 ta o‘yinda maydonga tushib, 5 ta gol va 7 ta golli uzatmaga mualliflik qildi.
35 yoshli futbolchi 2003-yildan 2021-yilga qadar kataloniyaliklar sharafini himoya qilgan. Leo “Barselona” safida 835 ta o‘yinda ishtirok etib, 709 ta gol urgan. Ispan klubi safida 10 marta Ispaniya chempionati, 7 marta Ispaniya Kubogi, 8 marta Ispaniya Superkubogi, 4 marta Chempionlar Ligasi, 3 marta UEFA Superkubogi va 3 marta klublar o‘rtasidagi Jahon Chempionatida zafar quchgan.
Izoh (0)