Ҳужумчи Луис Суарес Қатарда бўлиб ўтадиган Жаҳон Чемпионатидан сўнг фаолиятини «Лос-Анжелес Гэлакси»да давом эттириши мумкин.
«Насионал» жамоаси президенти Хосе Фуэнтес 35 ёшли футболчининг шартномаси 2022 йил охирида якунига етиши маълум қилди. Суарес эркин агент сифатида АҚШ клуби сафига қўшилади.
Аввалроқ ҳужумчига Европанинг бир нечта клубидан таклиф борлиги хабар қилинганди.
Уругвайлик ҳужумчи 2022 йил июль ойида «Насионал» билан шартнома имзолаган ва клуб сафида 11 ўйинда 4 та гол, 3 та голли узатмага муаллифлик қилган.
Луис Суарес фаолияти давомида «Гронинген», «Аякс», «Ливерпуль», «Барселона» ва «Атлетико»да тўп сурган.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)