Ироқда янги нефтни қайта ишлаш заводи ишга туширилди

Ироқ марказидаги Карбало шаҳрида янги нефтни қайта ишлаш заводи иш бошлади. Бу ҳақда республика нефть вазирлигига таяниб, «ТАСС» хабар берди.

Заводнинг ишлаб чиқариш қуввати кунига 140 минг баррелни ташкил этади. Бу бизга маҳаллий бозор эҳтиёжларини қисман қоплаш ва яқин келажакда импортни камайтириш имконини беради, — деди Нефть вазирлиги раҳбари Исхон Абдел Жабер.

Тахминларга кўра, завод тўлиқ қувват билан ишласа, у Ироққа импорт қилинадиган нефть маҳсулотларининг 90 фоизидан воз кечишга имкон беради.

2014 йилда Ироқ Hyundai Engineyering and Construction компанияси бошчилигидаги Жанубий Корея консорсиумига Карбалода нефтни қайта ишлаш заводи қуриш учун 6,04 миллиард долларлик шартнома имзолаган эди.

Объект қурилиши 2016 йилда бошланган. Ироқ расмийлари аввалроқ хабар берганидек, келажакда нефтни қайта ишлаш заводи кунига 150 минг баррелгача нефть ишлаб чиқариш имкониятига эга бўлади.

Аввалроқ Хитойга нефть етказиб бериш бўйича учинчи ўринни Ироқ эгаллагани ҳақида хабар берилганди.