Россияда «қисман сафарбарлик» доирасида қатнаб ўқийдиган талабалар армияга чақирилмайди, бироқ сиртқи бўлимда ўқийдиган талабалар «сафарбарлик бўйича чақирув комиссияси қарори билан жалб этилиши мумкин». Бу ҳақда «Обясняем.рф» ҳукумат порталида айтилади.
Ушбу портал Россияда ижтимоий-иқтисодий вазият ҳақида ахборот берувчи расмий интернет манба бўлиб ҳисобланади. Сайтда Россия ҳукумати «қисман сафарбарлик» тартиби ҳақида тушунтириш бермоқда.
Россияда нималар бўляпти?
21 сентябрь куни Россия президенти Владимир Путин Россияда қисман сафарбарлик эълон қилиш ҳақидаги фармонни имзолади. «Ватанимиз, яхлитлигимизни ҳимоя қилиш учун қисман сафарбарликни қўллаб-қувватлаш зарур, деб ҳисоблайман», — деди Россия раҳбари.
Россия мудофаа вазири Сергей Шойгунинг айтишича, қисман сафарбарлик чоғида 300 минг захирадаги аскар чақирилади. Унинг сўзларига кўра, бу Россия сафарбарлик ресурсининг тахминан 1 фоизини ташкил қилади. Хизмат ўтаб бўлган, ҳарбий-ҳисоб мутахассислиги ва жанговар тажрибага эга бўлганларгина чақирилади. Талабалар ва шошилинч хизмат ҳарбий хизматчилари сафарбар этилмайди, деган эди Шойгу.
Армияга чақириладиган одамлар сони кўрсатилган банд сафарбарлик ҳақидаги фармонда махфийлаштириб қўйилган. «Новая газета. Европа» нашри хабарига кўра, ушбу бандда бир миллион киши армияга чақирилиши ҳақида айтилади. Meduza’нинг федерал вазирликлардан бирига яқин манбаси айтиб беришича, армияга 1,2 миллион кишини чақириш режалаштирилмоқда.
Мавзуга доир:
- Россияда эркаклар сафарбарликка кузатилмоқда, Донецкда янги қурбонлар. Урушнинг 211-кунидан фоторепортаж
- Германия ҳукумати сафарбарликдан қочган россияликларни қабул қилишга тайёрлигини билдирди
- Россияда сафарбарликнинг биринчи куни ҳарбий комиссариатларга қарийб 10 минг фуқаро ўз ихтиёри билан келган
Изоҳ (0)