Rossiyada “qisman safarbarlik” doirasida qatnab o‘qiydigan talabalar armiyaga chaqirilmaydi, biroq sirtqi bo‘limda o‘qiydigan talabalar “safarbarlik bo‘yicha chaqiruv komissiyasi qarori bilan jalb etilishi mumkin”. Bu haqda “Obyasnyayem.rf” hukumat portalida aytiladi.
Ushbu portal Rossiyada ijtimoiy-iqtisodiy vaziyat haqida axborot beruvchi rasmiy internet manba bo‘lib hisoblanadi. Saytda Rossiya hukumati “qisman safarbarlik” tartibi haqida tushuntirish bermoqda.
Rossiyada nimalar bo‘lyapti?
21-sentabr kuni Rossiya prezidenti Vladimir Putin Rossiyada qisman safarbarlik e’lon qilish haqidagi farmonni imzoladi. “Vatanimiz, yaxlitligimizni himoya qilish uchun qisman safarbarlikni qo‘llab-quvvatlash zarur, deb hisoblayman”, — dedi Rossiya rahbari.
Rossiya mudofaa vaziri Sergey Shoyguning aytishicha, qisman safarbarlik chog‘ida 300 ming zaxiradagi askar chaqiriladi. Uning so‘zlariga ko‘ra, bu Rossiya safarbarlik resursining taxminan 1 foizini tashkil qiladi. Xizmat o‘tab bo‘lgan, harbiy-hisob mutaxassisligi va jangovar tajribaga ega bo‘lganlargina chaqiriladi. Talabalar va shoshilinch xizmat harbiy xizmatchilari safarbar etilmaydi, degan edi SHoygu.
Armiyaga chaqiriladigan odamlar soni ko‘rsatilgan band safarbarlik haqidagi farmonda maxfiylashtirib qo‘yilgan. “Novaya gazeta. Yevropa” nashri xabariga ko‘ra, ushbu bandda bir million kishi armiyaga chaqirilishi haqida aytiladi. Meduza’ning federal vazirliklardan biriga yaqin manbasi aytib berishicha, armiyaga 1,2 million kishini chaqirish rejalashtirilmoqda.
Mavzuga doir:
- Rossiyada erkaklar safarbarlikka kuzatilmoqda, Donetskda yangi qurbonlar. Urushning 211-kunidan fotoreportaj
- Germaniya hukumati safarbarlikdan qochgan rossiyaliklarni qabul qilishga tayyorligini bildirdi
- Rossiyada safarbarlikning birinchi kuni harbiy komissariatlarga qariyb 10 ming fuqaro o‘z ixtiyori bilan kelgan
Izoh (0)