Bugun,

  • USD 11014.01
  • RUB 191.8
  • EUR 10674.78

Germaniya muayyan holatlarda Rossiya armiyasi dezertir (qochoq)lariga va “Putin rejimiga qarshi bo‘lganlar”ga boshpana berishga tayyor, bu haqda mamlakat ichki ishlar vaziri Nensi Fezer ma’lum qildi, deb yozadi Meduza.

Foto: The Insider

Foto: The Insider

“Odatda, shafqatsiz repressiyalar xavfi ostida bo‘lgan dezertirlar Germaniyada xalqaro himoyani qo‘lga kiritadi. Putinning rejimiga mardlik bilan qarshi chiqadigan va shu tufayli o‘zini katta xavf ostiga qo‘yadigan har bir kishi siyosiy ta’qib sababli Germaniyadan boshpana so‘rashi mumkin”, — dedi u.

Germaniyaning Pro Asyl huquqni himoya qilish tashkiloti ham shunga o‘xshash bayonot bilan chiqib, Yevroittifoqning barcha mamlakatlarini majburiy safarbarlikdan qochishga urinayotgan barcha rossiyaliklarga boshpana taqdim etishga chaqirdi.

“Yevroittifoq qonunchiligiga ko‘ra, xalqaro huquqqa zid bo‘lgan urushdan qochayotganlar boshpana va himoya olish huquqiga ega. Shu ma’noda Germaniya va Yevropa Rossiyaning agressiv urushiga qarshi chiqqan odamlarni qog‘ozbozliklarsiz qabul qilishni tashkillashtirishi kerak”, — deya ma’lum qildi tashkilot.

Pro Asyl’ning bayonotini Germaniya Erkin-demokratik partiyasi va “yashillar” partiyasi qo‘llab-quvvatlagan.

Ayni vaqtda Chexiya Tashqi ishlar vazirligi mamlakat safarbarlikdan qochayotgan Rossiya fuqarolariga gumanitar vizalar bermoqchi emasligini ma’lum qildi.

Rossiyada nimalar bo‘lyapti?

21-sentabr kuni Rossiya prezidenti Vladimir Putin Rossiyada qisman safarbarlik e’lon qilish haqidagi farmonni imzoladi. “Vatanimiz, yaxlitligimizni himoya qilish uchun qisman safarbarlikni qo‘llab-quvvatlash zarur, deb hisoblayman”, — dedi Rossiya rahbari.

Rossiya mudofaa vaziri Sergey Shoyguning aytishicha, qisman safarbarlik chog‘ida 300 ming zaxiradagi askar chaqiriladi. Uning so‘zlariga ko‘ra, bu Rossiya safarbarlik resursining taxminan 1 foizini tashkil qiladi.

Shundan keyin Rossiyada safarbarlik e’lon qilinishiga qarshi “Change.org” saytiga joylangan petitsiyani o‘n minglab odam imzoladi.

Safarbarlik e’lon qilinganidan keyin bir necha daqiqalar ichida Moskvadan Istanbulga, Tbilisiga va Yerevanga to‘g‘ridan to‘g‘ri reyslar uchun chiptalar to‘liq sotilib ketgan. Shuningdek, Moskvadan Toshkentga reyslar chiptalari ham qolmagan. Rossiyaning Qozog‘iston va Gruziya bilan chegaralarida bir necha kilometrlik navbatlar yuzaga keldi.

Izoh
Asosiy yangiliklar
Mahalliy
O‘zbekistonda noqonuniy yer oldi-sotdisi bo‘yicha rekord yangilanmoqda
Mahalliy
Namanganda Cobalt traktor tirkamasiga borib urilishidan ikki kishi halok bo‘ldi
Mahalliy
Ozarbayjon aviakompaniyasi Bokudan Samarqandga to‘g‘ridan to‘g‘ri reyslarni yo‘lga qo‘yadi