Украина ташқи ишлар вазири Дмитрий Кулеба Россияга қўшилмоқчи бўлган минтақалардаги референдумлар масаласига ўз муносабатини билдирди, деб хабар қилади «РБК».
«Россия томонидан тан олинган Донецк ва Луганск халқ республикаларида, шунингдек, Москва назорати остидаги Херсон ва Запорожье вилоятлари ҳудудида референдум ўтказиш Киевнинг режаларини ўзгартирмайди», — деб ёзади Кулеба ўзининг Twitter саҳифасида.
Украина ташқи ишлар вазирлиги раҳбари бу ҳудудларни ноқонуний босиб олинган деб атади ва Киев «Россияда нима дейишларидан қатъи назар, уларни озод этишда давом этишини» таъкидлади.
Маълумот ўрнида, аввалроқ Украина президенти Владимир Зеленский референдум ўтказилса, Украина Россия билан музокара қилишдан бош тортишини айтганди.
Мавзуга доир:
Изоҳ (0)