Ҳиндистоннинг Уттар-Прадеш штатида икки опа-сингил ваҳшийларча зўрланиб, ўлдирилди. Бу ҳақда The Guardian хабар бермоқда.
Лакҳимпур туманида жойлашган уйи яқинида 15 ва 17 ёшли қизларнинг жасади дарахтда рўмолига осилган ҳолда топилган.
Экспертиза хулосаларига кўра, опа-сингиллар шакарқамиш даласига мажбуран судраб олиб кетилган ва зўрланган. Шундан сўнг уларнинг иккиси ҳам бўғиб ўлдирилган.
Ҳодиса юзасидан олти эркак, шу жумладан, оиланинг қўшниси ҳибсга олинган. Улар қасддан зўрлаш, қотиллик ва қотилликни яширишга ёрдам беришда айбланган.
Полиция маълумотларига кўра, эркаклар қизларга таниш ва бир қишлоқда истиқомат қилувчи кишилар бўлган. Шу билан биргаликда қизлар ихтиёрий равишда улар билан бирга кетган.
Бироқ қизларнинг онаси бу маълумотга эътироз билдирган ва икки эркак уйга келиб, қизларини скутерларда мажбуран олиб кетганини таъкидлаган.
Уларни тўхтатмоқчи бўлдим ва орқаларидан югурдим. Лекин эркаклар мени калтаклаб ташлади. Шундан сўнг қичқира бошладим ва қишлоқ аҳолисидан ёрдам сўраш учун орқага югурдим.Полиция жасадларни ўз оиласига қайтариб берди. Лекин ҳукумат суд жараёнларини тез фурсатда ўтказиб, товон пули тўлашни ваъда қилмагунча, оила фарзандларининг кремацияси (жасадни куйдириш)ни амалга оширишдан бош тортган.
Шунингдек, воқеа кўплаб маҳаллий норозиликларга сабаб бўлган.
Reuters агентлиги томонидан 2018 йилда ўтказилган сўровлар натижасига кўра Ҳиндистон аёл-қизлар учун энг хавфли мамлакат деб топилган.
Ҳиндистонда аёлларга нисбатан жинсий зўравонликнинг ҳақиқий кўлами рақамларда кўрсатилганидан анча кўпроқ, дея таъкидланади.
Ҳукумат маълумотларига асосланган ҳисоб-китобларга кўра, мамлакатдаги жинсий зўравонлик ҳолатларининг қарийб 99 фоизи хабар қилинмайди.
Маълумот учун: ушбу рўйхат Ҳиндистонда номутаносиб равишда жинсий зўравонликка учраган, аммо адолатдан маҳрум этилган Далит аёлларининг аҳволини ҳужжатлаштиради.
Изоҳ (0)