50 йиллик робот тадқиқотлари ёрдамида олиб борилган изланишлар натижасига кўра, Марсдаги одамлардан қолган чиқиндилар ҳажми 7 241 килограмни ташкил этган.
Инсонлар 50 йилдан ортиқ вақт давомида Марс юзасини ўрганмоқдалар. Бирлашган Миллатлар Ташкилотининг Космик масалалар бўйича бошқармаси маълумотларига кўра, мамлакатлар Марсга 14 та алоҳида миссияда 18 та сунъий объект жўнатган. Ушбу миссияларнинг аксарияти ҳали ҳам давом этмоқда, аммо ўнлаб йиллар давомида Марсни тадқиқ қилиш давомида инсоният сайёра юзасида жуда кўп чиқиндиларни қолдирди.
Марсдаги чиқиндихоналарнинг асосий манбаси учта: ташлаб кетилган ускуналар, ҳаракатсиз ва ҳалокатга учраган космик кемалар.
Марсга юбориладиган ҳар бир миссия космик кемани ҳимоя қиладиган модулни талаб қилади. Ушбу модуль кема сайёра атмосферасидан ўтаётганда иссиқлик қалқони, шунингдек, юмшоқ қўниши учун парашют ва қўниш ускунасини ўз ичига олади.
Тушиш вақтида кема модулнинг бўлакларини ташлаб юборади ва бу қисмлар сайёра юзасининг турли жойларига тушади — бир жойда пастроқ иссиқлик қалқони, бошқа жойда — парашют бўлиши мумкин.
Агар Марсга юборилган барча космик кемаларнинг массасини ҳисобласак, умумий миқдор тахминан 22 000 фунт (9979 кг). Ишлаб турган кеманинг сиртдаги оғирлигини айириб ташласангиз — 6 306 фунт (2 860 кг) ва натижада Марсда одамлар юзага келтирган чиқиндилар ҳажми 15 694 фунтлиги (7 119 кг) намоён бўлади.
Бугунги кунда энг катта ташвишга соладиган нарса бу — Марсдаги қолдиқлар, бу ҳозирги ва келажакдаги миссиялар учун хавф туғдиради. Perseverance гуруҳлари топилган барча қолдиқларни ҳужжатлаштиради ва улардан биронтаси ровер йиғадиган намуналарни ифлослантириши эҳтимолини текширади. NASA муҳандислари, шунингдек, Perseverance қўнаётганда вайроналарга ўралашиб қолиши эҳтимоллигини кўриб чиқишди, аммо хавф паст деган хулосага келишди.
Марсдаги қолдиқлар муҳимлигининг асл сабаби унинг тарихдаги ўрни. Космик кемалар ва уларнинг қисмлари сайёраларни инсон тадқиқ этишидаги биринчи босқичдир.
Изоҳ (0)