“Referendumlar Kiyevning rejalarini o‘zgartirmaydi” — Ukraina tashqi ishlar vaziri

Ukraina tashqi ishlar vaziri Dmitriy Kuleba Rossiyaga qo‘shilmoqchi bo‘lgan mintaqalardagi referendumlar masalasiga o‘z munosabatini bildirdi, deb xabar qiladi “RBK”.

“Rossiya tomonidan tan olingan Donetsk va Lugansk xalq respublikalarida, shuningdek, Moskva nazorati ostidagi Xerson va Zaporojye viloyatlari hududida referendum o‘tkazish Kiyevning rejalarini o‘zgartirmaydi,” — deb yozadi Kuleba o‘zining Twitter sahifasida.

Ukraina tashqi ishlar vazirligi rahbari bu hududlarni noqonuniy bosib olingan deb atadi va Kiyev “Rossiyada nima deyishlaridan qat’i nazar, ularni ozod etishda davom etishini” ta’kidladi.

Ma’lumot o‘rnida, avvalroq Ukraina prezidenti Vladimir Zelenskiy referendum o‘tkazilsa, Ukraina Rossiya bilan muzokara qilishdan bosh tortishini aytgandi.

Mavzuga doir:

• Zelenskiy referendum e’lonlari fonida Erdo‘g‘on bilan telefonda suhbatlashdi
• LXR va DXRda Rossiyaga qo'shilish bo'yicha referendumlar 23-27 sentabr kunlariga belgilandi