АҚШ, Польша, Германия, Франция, Эстония Донбасс, Херсон ва Запорожьенинг Россия таркибига кириши бўйича референдумларни тан олмаслигини эълон қилди, дея хабар беради «РБК».
АҚШ Украина ҳудудларининг бир қисмини Россияга қўшиб олишга уринишни ҳеч қачон тан олмайдиАҚШ президенти ёрдамчисининг қўшимча қилишича, кейинроқ Америка етакчиси Жо Байден БМТ Бош Ассамблеясидаги нутқи чоғида жаҳон ҳамжамиятини Россиянинг Украинадаги ҳаракатларига қаршилик кўрсатишга чақиради.Донецк ва Луганск халқ республикаларида, шунингдек, Москва назоратидаги Херсон ва Запорожье вилоятларида Россияга қўшилиш бўйича референдумлар ўтказиш унга «музокаралар столида қўшимча устунлик бермайди. Бу референдумлар суверенитет ва ҳудудий яхлитлик тамойилларини ҳақорат қилишдир.
Жейк Салливан, АҚШнинг Миллий хавфсизлик бўйича маслаҳатчиси
Германия канцлери Олаф Шольц ҳам худди шундай фикрда гапириб, Германия «сохта референдумлар»ни тан олмаслигини ва уларнинг ўтказилиши халқаро ҳуқуқ ва келишувларга мос келмаслигини таъкидлади.
НАТО бош котиби Йенс Столтенберг ўзининг Twitter саҳифасида референдумлар ўтказилса, бу жанговар ҳаракатлар авж олишига олиб келишига ишонч билдирди.
Франция президенти Эммануэль Макрон ҳам халқаро ҳамжамият референдумларни тан олмаслигига ишонч билдирди. Овозлар ҳеч қандай ҳуқуқий натижа бермайди, деди у ва бутун жараённи «пародия» деб атади.
Польша президенти Анжей Дуда, ўз навбатида, бу ҳудудлардаги овоз бериш жараёни «бефойда»лигини айтди.
Эстония бош вазири Кажа Каллас ҳам Таллин жараён натижаларини тан олмаслигини билдирган.
Туркия президенти Ражаб Тоййиб Эрдўғон Москва ва Киев ўртасида «ҳудудий яхлитлик асосида ва Украина мустақиллигини ҳисобга олган ҳолда» тинчлик ўрнатишга чақирди.
Изоҳ (0)