AQSH, Polsha, Germaniya, Fransiya, Estoniya Donbass, Xerson va Zaporojyening Rossiya tarkibiga kirishi bo‘yicha referendumlarni tan olmasligini e’lon qildi, deya xabar beradi “RBK”.
AQSH Ukraina hududlarining bir qismini Rossiyaga qo‘shib olishga urinishni hech qachon tan olmaydiAQSH prezidenti yordamchisining qo‘shimcha qilishicha, keyinroq Amerika yetakchisi Jo Bayden BMT Bosh Assambleyasidagi nutqi chog‘ida jahon hamjamiyatini Rossiyaning Ukrainadagi harakatlariga qarshilik ko‘rsatishga chaqiradi.Donetsk va Lugansk xalq respublikalarida, shuningdek, Moskva nazoratidagi Xerson va Zaporojye viloyatlarida Rossiyaga qo‘shilish bo‘yicha referendumlar o‘tkazish unga “muzokaralar stolida qo‘shimcha ustunlik bermaydi. Bu referendumlar suverenitet va hududiy yaxlitlik tamoyillarini haqorat qilishdir.
Jeyk Sallivan, AQSHning Milliy xavfsizlik bo‘yicha maslahatchisi
Germaniya kansleri Olaf Shols ham xuddi shunday fikrda gapirib, Germaniya “soxta referendumlar”ni tan olmasligini va ularning o‘tkazilishi xalqaro huquq va kelishuvlarga mos kelmasligini ta’kidladi.
NATO bosh kotibi Yens Stoltenberg o‘zining Twitter sahifasida referendumlar o‘tkazilsa, bu jangovar harakatlar avj olishiga olib kelishiga ishonch bildirdi.
Fransiya prezidenti Emmanuel Makron ham xalqaro hamjamiyat referendumlarni tan olmasligiga ishonch bildirdi. Ovozlar hech qanday huquqiy natija bermaydi, dedi u va butun jarayonni “parodiya” deb atadi.
Polsha prezidenti Anjey Duda, o‘z navbatida, bu hududlardagi ovoz berish jarayoni “befoyda”ligini aytdi.
Estoniya bosh vaziri Kaja Kallas ham Tallin jarayon natijalarini tan olmasligini bildirgan.
Turkiya prezidenti Rajab Toyyib Erdo‘g‘on Moskva va Kiyev o‘rtasida “hududiy yaxlitlik asosida va Ukraina mustaqilligini hisobga olgan holda” tinchlik o‘rnatishga chaqirdi.
Izoh (0)