Қовоқча ва помидордан мазали егулик тайёрлаб кўринг

Қовоқча ва помидордан тайёрланадиган ушбу егуликни тайёрлаш жуда осон. Шу билан бирга таом иштаҳани очувчи мазали таъмга эга. Унга ўзингизга ёққан кўкатларни қўшишингиз мумкин. 

Керакли масаллиқлар:

• қовоқча — 1 дона
• тухум — 2 дона
• туз — таъбга кўра 
• мурч — таъбга кўра 
• саримсоқ — 1 донача 
• майонез — 3-4 қошиқ
• помидор — 2-3 дона
• ўсимлик ёғи — 3 қошиқ
• укроп — таъбга кўра

1. Қовоқчани бўлакларга бўлиб олинг ва унинг сувини қоғоз сочиқ билан қуритинг.
2. Тухумни бир чимдим туз ва мурч билан кўпиртиринг.
3. Саримсоқни қирғичдан ўтказинг ва майонез билан аралаштиринг. Помидорларни доира шаклида кесиб олинг.
4. Ўсимлик ёғини ўртача оловда қиздириб олинг. Қовоқчанинг ҳар бир бўлагини тухумга ботириб олинг ва иккала томондан олтин жигарранг бўлгунча қовуринг.
5. Қовоқчани идишга териб чиқинг. Ҳар бир бўлакка саримсоқ ва майонез аралашмасини суртинг ва устига помидор бўлагини қўйинг.
6. Қовоқчанинг совишини кутинг. Помидорнинг устига майда тўғралган укроп сепинг ва истеъмол қилинг.

Мавзуга доир:

• Беш дақиқада тайёр бўладиган пишлоқли хачапури
• Бақлажондан нима тайёрлаш мумкин: Уй бекалари учун 5 хил ноодатий рецепт
• Пицца таъмли ноодатий оладе рецепти
• Бир зумда тайёрланадиган помидор ва ёнғоқли салат рецепти.