«Сурхон» Ўзбекистон Суперлигасининг 19-турида «Локомотив»ни 2:1 ҳисобида мағлубиятга учратди.
Термизликлар ўз тарихида илк бор «Локомотив»дан устун келди. Бундан аввал жамоалар ўзаро 9 марта тўқнаш келган бўлиб, уларнинг 5 тасида «темир йўлчилар»нинг қўли баланд келган бўлса, тўрттасида дуранг қайд этилган.
Шунингдек, «Сурхон»нинг Суперлигадаги 7 ўйиндан иборат ғалабасиз серияси якунланди. Сўнгги бор Сурхондарё жамоаси 18 июнь куни «Динамо»ни мағлубиятга учратганди.
«Сурхон» 19-турдан кейин 16 очко жамғарган ҳолда мусобақа жадвалининг 13-поғонасида бормоқда. «Локомотив» эса 19 очко билан 11-ўриндан жой олган.
Изоҳ (0)