АҚШнинг Лас-Вегас шаҳридаги Т-Mobile аренада Ўзбекистон вақти билан 18 сентябрь тонгида бокс оқшоми бўлиб ўтди.
Кечанинг марказий жанги супер ўрта вазн тоифасида мутлақ жаҳон чемпиони Сауль Альварес ва Геннадий Головкин ўртасида кечди.
Беллашувнинг дастлабки уч раундни ўртача темпда ўтди ва бироз устунлик «Канело» томонида бўлди. Тўртинчи раундга келиб мексикалик боксчи фаолликни ошириб, кейинги уч раундда тўлиқ устунлик қилди.
8-раундда Головкин ҳам сезиларли зарбаларни йўллашни бошлади. 9-раунднинг иккинчи ярми ҳам қозоғистонлик боксчи ҳисобига ёзилди.
Сўнгги раундлар ўртача темпда ўтди. Ҳакамлар бир овоздан Альвареснинг ғалабасини қайд этди.
Шу тариқа Сауль WBC, WBO, WBA ва IBF камарларини муваффақиятли ҳимоя қилди.
«Канело» ва «GGG» ўртасидаги дастлабки жанг 2017 йил 16 сентябрида ташкил этилган, унда дуранг қайд этилган. 2018 йил 15 сентябрда бўлиб ўтган иккинчи жанг эса мексикаликнинг ғалабаси билан якунланганди.
Изоҳ (0)