Трилогия. Сауль Альварес ва Геннадий Головкин 18 сентябрь тонгида жанг қилади

Бокс бўйича супер ўрта вазн тоифаси мутлақ чемпиони Сауль Альварес (57-2-2, 39 КО) ва Геннадий Головкин (42-1-1, 37 КО) 18 сентябрь тонгида рингга чиқади.

Улар ўртасидаги жанг Лас-Вегасдаги (АҚШ, Невада штати) Т-Mobile аренасида бўлиб ўтади.

Бокс оқшоми Ўзбекистон вақти билан 05:00 да бошланади. Альварес ва Головкин ўртасидаги жанг эса 08:00 дан кейин бошланиши режа қилинган.

Бокс оқшоми Ўзбекистон телеканаллари орқали олиб берилмайди. Жанглар DAZN платформасида ва «Қазспорт» телеканалида жонли эфирга узатилади.

Бу улар ўртасидаги учинчи жанг ҳисобланади. «Канело» ва Головкин ўртасидаги дастлабки жанг 2017 йил 16 сентябрида ташкил этилган, унда дуранг қайд этилган. Иккинчи жанг эса 2018 йил 15 сентябрда бўлиб ўтган. Унда мексикаликнинг қўли баланд келган.

«Канело» сўнгги жангини 8 май куни оғир вазн тоифасида WBO камари соҳиби Дмитрий Биволга (20-0, 11 КО) қарши ўтказиб, мағлуб бўлганди.

«ГГГ» эса 9 апрель куни WBA чемпиони япониялик Riotа Мурата (16-2, 13 КО) билан бирлаштирувчи жангда рингга кўтарилган. Жангда қозоғистонлик боксчи устунликка эга бўлган ва 9-раундда техник нокаут эвазига ғалаба қозонган.