10 сентябрь куни Владимир Зеленский ой бошидан бери Украина Қуролли кучлари мамлакат ҳудудининг икки минг квадрат километр қисмини озод қилгани ҳақида баёнот берди. Россия Мудофаа вазирлиги эса «Донецк йўналишидаги саъй-ҳаракатларни кучайтириш» учун Харьков вилоятидан «қўшинларни қисқартириш ва кўчириш операцияси» бўлаётганини эълон қилди. Ижтимоий тармоқларда Украина Қуролли Кучлари Купянск ва Изюмга киргани, шунингдек, Лиман ва Волчанск томон олдинга силжиётгани ҳақида далиллар пайдо бўлди.
«Жануб» оператив қўмондонлигининг маълум қилишича, Украина қўшинлари Херсон вилоятида бир неча ўнлаб километр илгарилаган. Украина Қуролли кучлари томонидан озод қилинган Харьков вилояти Граково қишлоғида жасадлар эксгумация қилинаётгани акс этган суратлар чоп этилди. Украина Бош прокуратураси қотилликда россиялик аскарларни гумон қилмоқда. Meduza урушнинг 199-кунига оид асосий фотосуратларни тақдим этди.
Херсонда болалар байрами
Аниматорлар Херсондаги болаларга Россия байроқлари ва совғаларини тарқатмоқда. Бу вақтда, «Жануб» оператив қўмондонлиги маълумотларига кўра, Украина қўшинлари рус қўшинлари томонидан босиб олинган Херсон вилоятида бир неча ўнлаб километр олдинга силжиган.Фото: «ТАСС»
ЛХРдаги блокпост
Харьков вилоятининг Россия армияси томонидан босиб олинган қисмида яшовчи аҳоли Сватово шаҳридаги блокпостдан ўтмоқда. Шаҳар март ойидан ЛХР назорати остида.Фото: «ТАСС»
Украина қуролли кучлари томонидан озод қилинган ҳудудлар
Балаклеядаги Украина байроқлари. 9 сентябрь куни шаҳар бутунлай Украина Қуролли Кучлари назоратига ўтди — бу Украинанинг ҳозиргача бўлган энг муваффақиятли қарши ҳужуми натижасидир.Фото: AFP
Украиналик ҳарбийлар Украина Қуролли кучлари назоратига ўтган яна бир ҳудуд — Шевченково посёлкасининг номи ёзилган стела фонида суратга тушмоқда. Шевченково Харьковдан 80 километр узоқликда жойлашган.Фото: Reuters
Балаклеяда йўқ қилинган рус танки. Жанг майдонида Россия қўшинлари ўнлаб техникаларидан айрилган, ишдан чиққанларини эса ташлаб кетган.Фото: AFP
Балиқчилар ортида чўкиб кетган «Тайфун» кемаси қолдиқлари. Николаев вилояти ҳарбий бошқармаси матбуот котиби Дмитрий Плетенчукнинг сўзларига кўра, кема анча олдин фойдаланишдан чиқарилган. У 10 сентябрь куни Россиянинг Николаевга ракета ҳужумидан сўнг чўкиб кетган.Фото: Reuters
Харьковга берилган янги зарба оқибатлари
Харьковда ўққа тутилган «Мисто» кўнгилочар мажмуаси. Россия қўшинлари 9 сентябрда шаҳарга ҳужум қилди. Харьков вилояти ҳарбий бошқармаси бошлиғи Олег Синегубовнинг сўзларига кўра, 14 киши, жумладан, уч нафар бола яраланган.Фото: EPA
Украиналик ўт ўчирувчилар рус қўшинларининг Харьковга берган зарбасидан кейин турар жой биносида юзага келган ёнғинни ўчирмоқда.Фото: Reuters
Донбасс шимолида тунги портлашлар
Меҳмонхона яқинидаги автотураргоҳда фонар кўтарган аёл. У Покровскка рус қўшинларининг тунги ҳужумидан кейин деразалар синган-синмаганини текширмоқда. Донецк вилоятидаги ушбу шаҳар Украина назорати остида.Фото: AP Photo
Покровскда портлашлардан кейинги ёнғин.Фото: AP Photo
Изоҳ (0)