АҚШ президенти Жо Байден 2001 йил 11 сентябрдаги терактлардан кейин жорий қилинган фавқулодда ҳолат режимини яна бир йилга узайтирди, деб ёзади «РБК».
«Террорчилик хавфи сақланиб қолаётгани туфайли, мамлакатда фавқулодда ҳолат ва ушбу ҳолатга қарши кураш учун қабул қилинган ваколатлар 2022 йил 14 сентябрдан кейин амал қилишда давом этиши керак», —дейилади Оқ уй сайтидаги хабарда.
Фавқулодда ҳолат режими ҳақидаги биринчи қарор АҚШ ҳукумати томонидан терактлардан кейин уч кун ўтиб, 2001 йил 14 сентябрда қабул қилинганди.
2001 йил 11 сентябрь куни 19 террорчидан иборат гуруҳ АҚШда тўртта йўловчи самолётини эгаллаб олди. Уларнинг иккитаси Нью-Йоркдаги Жаҳон савдо марказининг эгизак биноларига бориб урилди, яна биттаси Вашингтон яқинида Пентагон биноси билан тўқнашди, тўртинчиси эса йўловчилар террорчиларни зарарсизлантиришга уринганидан кейин Пенсильваниядаги Шанксвилл шаҳри яқинига қулади.
Терактлар учун жавобгарликни «Ал-Қоида» ташкилоти ўз зиммасига олди. Терактлар оқибатида 2,9 мингдан зиёд одам ҳалок бўлди.
Мавзуга доир:
- Фотогалерея: АҚШда содир этилган 11 сентябрь терактларига 20 йил тўлди
- «11 сентябрь болалари»: кимдир отасининг сўнгги соатларидан ҳамон таъқибда, бошқаси ҳар йилги мотам маросимидан зада
- «11 сентябрь болалари»: кимдир отасининг сўнгги соатларидан ҳамон таъқибда, бошқаси ҳар йилги мотам маросимидан зада
- Байден 11 сентябрь терактларига оид махфий ҳужжатларни эълон қилишни буюрди
Изоҳ (0)