Ukraina harbiylari ozod qilingan hududlarda bayroq ko‘tarmoqda. Nikolayevda kema cho‘kib ketdi. Urushning 199-kunidan fotoreportaj
10-sentabr kuni Vladimir Zelenskiy oy boshidan beri Ukraina Qurolli kuchlari mamlakat hududining ikki ming kvadrat kilometr qismini ozod qilgani haqida bayonot berdi. Rossiya Mudofaa vazirligi esa “Donetsk yo‘nalishidagi sa’y-harakatlarni kuchaytirish” uchun Xarkov viloyatidan “qo‘shinlarni qisqartirish va ko‘chirish operatsiyasi” bo‘layotganini e’lon qildi. Ijtimoiy tarmoqlarda Ukraina Qurolli Kuchlari Kupyansk va Izyumga kirgani, shuningdek, Liman va Volchansk tomon oldinga siljiyotgani haqida dalillar paydo bo‘ldi.
“Janub” operativ qo‘mondonligining ma’lum qilishicha, Ukraina qo‘shinlari Xerson viloyatida bir necha o‘nlab kilometr ilgarilagan. Ukraina Qurolli kuchlari tomonidan ozod qilingan Xarkov viloyati Grakovo qishlog‘ida jasadlar eksgumatsiya qilinayotgani aks etgan suratlar chop etildi. Ukraina Bosh prokuraturasi qotillikda rossiyalik askarlarni gumon qilmoqda. Meduza urushning 199-kuniga oid asosiy fotosuratlarni taqdim etdi.
Xersonda bolalar bayrami
Animatorlar Xersondagi bolalarga Rossiya bayroqlari va sovg‘alarini tarqatmoqda. Bu vaqtda, “Janub” operativ qo‘mondonligi ma’lumotlariga ko‘ra, Ukraina qo‘shinlari rus qo‘shinlari tomonidan bosib olingan Xerson viloyatida bir necha o‘nlab kilometr oldinga siljigan.Foto: “TASS”
LXRdagi blokpost
Xarkov viloyatining Rossiya armiyasi tomonidan bosib olingan qismida yashovchi aholi Svatovo shahridagi blokpostdan o‘tmoqda. Shahar mart oyidan LXR nazorati ostida.Foto: “TASS”
Ukraina qurolli kuchlari tomonidan ozod qilingan hududlar
Xarkov viloyatining ozod etilgan Kupyansk shahridagi bino tomida Ukraina qurolli kuchlari askarlari mamlakat bayroqlarini ko‘tarib turibdi. Shahar Xarkovdan 117 kilometr uzoqlikda joylashgan.Foto: Reuters
Balakleyadagi Ukraina bayroqlari. 9-sentabr kuni shahar butunlay Ukraina Qurolli Kuchlari nazoratiga o‘tdi — bu Ukrainaning hozirgacha bo‘lgan eng muvaffaqiyatli qarshi hujumi natijasidir.Foto: AFP
Ukrainalik harbiylar Ukraina Qurolli kuchlari nazoratiga o‘tgan yana bir hudud — Shevchenkovo posyolkasining nomi yozilgan stela fonida suratga tushmoqda. Shevchenkovo Xarkovdan 80 kilometr uzoqlikda joylashgan.Foto: Reuters
Balakleyada yo‘q qilingan rus tanki. Jang maydonida Rossiya qo‘shinlari o‘nlab texnikalaridan ayrilgan, ishdan chiqqanlarini esa tashlab ketgan.Foto: AFP
Balakleyadagi ko‘chada rus harbiy mashinasiFoto: AFP
Balakleyadagi ko‘chada rus qo‘shinlari tashlab ketgan qurol-yarog‘ yashiklari va chiqindilar.Foto: AFP
Nikolayevda cho‘kib ketgan kema
Baliqchilar ortida cho‘kib ketgan “Tayfun” kemasi qoldiqlari. Nikolayev viloyati harbiy boshqarmasi matbuot kotibi Dmitriy Pletenchukning so‘zlariga ko‘ra, kema ancha oldin foydalanishdan chiqarilgan. U 10-sentabr kuni Rossiyaning Nikolayevga raketa hujumidan so‘ng cho‘kib ketgan.Foto: Reuters
Xarkovga berilgan yangi zarba oqibatlari
Xarkovda o‘qqa tutilgan “Misto” ko‘ngilochar majmuasi. Rossiya qo‘shinlari 9-sentabrda shaharga hujum qildi. Xarkov viloyati harbiy boshqarmasi boshlig‘i Oleg Sinegubovning so‘zlariga ko‘ra, 14 kishi, jumladan, uch nafar bola yaralangan.Foto: EPA
Ukrainalik o‘t o‘chiruvchilar rus qo‘shinlarining Xarkovga bergan zarbasidan keyin turar joy binosida yuzaga kelgan yong‘inni o‘chirmoqda.Foto: Reuters
Donbass shimolida tungi portlashlar
Mehmonxona yaqinidagi avtoturargohda fonar ko‘targan ayol. U Pokrovskka rus qo‘shinlarining tungi hujumidan keyin derazalar singan-sinmaganini tekshirmoqda. Donetsk viloyatidagi ushbu shahar Ukraina nazorati ostida.Foto: AP Photo
Pokrovskda portlashlardan keyingi yong‘in.Foto: AP Photo
Izoh (0)