Бугун,

  • USD 11014.01
  • RUB 191.8
  • EUR 10674.78

Жаҳон соғлиқни сақлаш ташкилоти маълумотларига кўра, ҳозир 2 миллиард нафардан ортиқ кишининг кўз касалликлари ҳисобига кўриш қобилияти пасайган ва шу дард билан боғлиқ ногиронлиги мавжуд. Бироқ улардан 1 миллиард нафарга яқинини жарроҳлик йўли билан даволаса бўлади. Тошкентда жойлашган Республика ихтисослаштирилган кўз микрохирургияси илмий-амалий тиббиёт маркази ана шундай мураккаб операцияларни ўтказиш борасида катта салоҳият ва тажрибага эга.

Илгари кўз касалликларини замонавий усулларда даволаш борасида имкониятимиз чекланган эди. Шу боис бу йўналишдаги мураккаб операциялар учун кўплаб беморларимиз хорижий давлатлар клиникаларига боришга мажбур бўларди, — дейди марказ директори Азамат Юсупов.
Тиббиёт соҳасида ислоҳотларнинг янги даври бошлангач, илғор хорижий тажрибани мамлакатда жадал татбиқ этишга киришилди. Натижада дастлаб маҳаллий мутахассислар томонидан офталмология соҳасига доир 46 турдаги юқори технологик операцияни бажариш ўзлаштирилди.

Муассасага 5 миллион долларлик энг сўнгги русумдаги асбоб-ускуналар олиб келингач, имконият янада ошди. Натижада бу ерда амалга ошириладиган юқори технологик жарроҳлик амалиётлари тури 176 тага етказилди. Фемтосонияли лазер ёрдамида кўз шоҳ пардаси трансплантацияси ва шоҳ пардада мавжуд астигматизмларни олиб ташлаш, кўз туби патологияларида фотодинамик лазер терапияси каби илғор муолажа усуллари шулар жумласидан.

Шунингдек, марказда беморларга масофадан туриб малакали тиббий маслаҳат бериш мақсадида телемедицина хизмати йўлга қўйилгач, кўплаб фуқароларнинг узоқ йўл босиб, вақт йўқотиб пойтахтга келишига ҳожат қолмади. Қолаверса, хорижий давлатларнинг етакчи тиббиёт муассасалари мутахассислари билан ҳамкорликда янги технологиялар амалиётга кенг татбиқ этиб борилмоқда.

Изоҳ
Асосий янгиликлар