«Иснод», «Муҳаббат ресторани», «Мафтун бўлдим» кинофильмлари, «Бахт овчиси» сериали ва «Оталар сўзи» теленовелласидаги ижролари билан томошабинлар қалбидан жой олган актёр Шоҳрух Ҳамдамов нима учун ҳозиргача уйланмагани, шоу-бизнесдаги актриса ва хонандалар билан тарқалган миш-мишларнинг қанчалик ҳақиқатга яқинлиги, бўлажак турмуш ўртоғини санъат соҳасидан танламаслиги, нима сабабдан «запрет»га тушганини билмаслиги, уни «запрет» қилганларга муносабати ва ҳаётда ўзи яратган қайси образга ўхшашни истамаслиги ҳақида гапирди.
Актёр нима учун ҳозиргача уйланмагани, онаси топган қизга уйланишни режалаштираётгани ва шу йилнинг охиригача турмуш қуриш нияти борлиги ҳақида
«Қандай қилиб тушунтирсам экан. Масалан, сиз бир товарни кимгадир қизиқлиги учун сотасиз, лекин у нарса сиз учун қизиқ эмас, мен товар сотаман демоқчи эмасман. Бу соҳада юргандан кейин ҳамма нарса тескари бўлиб қолар экан, қизлар сизга гапирар экан, кейин атрофингизда ўзини тутиши йўқолади. Шуларни кўриб, кўпчилик шунақа бўлса керак, деб ўйлайман. Масалан, кўчада бир қиз кетяпти, қараяпсиз, лекин миядаги фикрлар бу ҳам бўлмайди, деб устунлик қилади. Бу фикрларни ортга қайтариш учун эса ўша қиз билан бир-икки оғиз гаплашишга тўғри келади. Муносабатда бўлиш керак, шунда қизнинг қанақа экани билинади.
Умримда бир марта учрашувга чиқдим. Мен учун учрашувга чиқиш ғалати вазият. Ўзимнинг инсонимни ҳали учратмадим деб ўйлайман, ҳали юрагим жиз этмади. Онам топганига уйланиш ниятим бор, улар эса турмуш ўртоғимни ўзим топишимни айтяпти, топганларини ҳам кўравераман. Лекин битта нарса бор, оналар уйда ўтиради, сал гапга ҳам ишонувчан бўлиб қолади. Биз эса кўчада юрамиз, ҳозирги кунда қизларни аёллардан эмас, маҳалласидаги болалардан суриштириш керак.
Мендан ҳам маҳалламдаги бирорта яхши қизни сўрашса, ҳақиқатан ҳам яхши дейман. Агар бошқача бўлса, яна бир суриштириб кўришини айтаман. Ҳозир олдингидек қизлар кам. Бу йил уйдагилар билан келишиб, аниқ қарор қабул қилдим, насиб қилган кун уйланаман. Агар яхши қиз бўлса, юрагим жиз этса, бир ойдан кейин ҳам тўй бўлиб кетиши мумкин. Шу йилнинг охиригача уйланиш ниятим бор», — дейди актёр.
Ўзбек шоу-бизнесдаги актриса ва хонандалар билан тарқалган миш-мишларнинг қанчалик ҳақиқатга яқинлиги ва бўлажак турмуш ўртоғини санъат соҳасидан танламаслиги тўғрисида
«Муниса Ризаеванинг клипида ўйнаганим учун мени у билан севишади деб ўйлашган. Ҳозирги кунгача 40 дан ортиқ клипда ўйнаган бўлсам, ҳаммасида шу мавзу бор. Яқинда Райҳон Асадова билан ‘Миллион’ жамоасининг концертида ёнма-ён ўтириб қолдик, яна шу гап чиқди.
Санъатдан эмас, бошқа йўналишдаги қиз билан муносабатда бўлганман. Бироқ санъат соҳасидан уйлангим ёки бирор-бир жиддий мавзуда қарагим келмайди. Бир-биримизни тушунмаймиз деб биламан. Онам бунга қарши эмас, аксинча, бир клипда шу қиз билан рол ўйнабсан, шуни суриштир, деб қўяди. Лекин бўлмаслигини билмайди», — дейди Шоҳрух Ҳамдамов.
Шоҳрух Ҳамдамов «запрет»га тушганини билмаслиги ва иккита лойиҳада шу сабаб суратга туша олмагани, уни «запрет» қилганларга муносабати ҳақида
«Нима сабабдан ‘запретъга тушганимни билмайман, сабаб тополмаяпман. ‘Ўзбеккинўдаги ҳеч бир инсон билан шахсий адоватим бўлмаган. Ҳозир ҳам бирорта режиссёрнинг киноси яхши чиқмаган бўлса, яхши чиқмаганини айтаман, яхши чиққан бўлса, яхши дейман. Чунки биз шу сферадаги инсонлармиз. ‘Запретъга тушганим бўйича аниқ сабаб тополмаяпман, кейин атрофдагилар ҳам аниқ фикрни айтмаяпти. Менга ‘запретъга тушганимни айтиб, кинога яқинлаштиришмаяпти. Иккита лойиҳанинг суратга олиш жараёнлари бошланиши керак эди. Кейин шунақа гап-сўзни эшитдим.
Мен ‘запретъдан қўрқмайман, ҳар қандай ишни қила оламан. Клиплардан таклифлар ҳам кўп, нечта режиссёрлар таклиф қилди. Бу нарса мени тинчлантирмайди, алам қиладигани — бу соҳага саккиз йил умримни тикканман. Саккиз йилнинг ҳар икки ойида суратга олиш жараёнлари бўлган, вилоятларга борар эдик. Бир йилда учтадан кинога тушган бўлсам, ярим йилдан ортиқ умримни сафлаганман. Шундан кейин бунақа гап-сўзлар бўлса, алам қилар экан. Мен кимга ёмонлик қилдим ёки бориб бирор жойни ёқиб юборганим йўқ.
Тўғри, режиссёрлар билан айтишиб қолган пайтларим, суратга олиш жараёнларидан кетган вақтларим бўлиши мумкин, лекин ҳаммасининг сабаби бор. Балки у ердаги ижодкорларга қайсидир интервьюдаги гапим ёқмагандир, бу дегани бўлди, ёпилди дегани эмас.
‘Запретъга тушишимга сабабчи бўлган инсонларга зўр бўлди, дам олишга шароит яратиб бердингиз, раҳмат. Нимага унақа гап-сўзлар қилиб юрганингизни билмадим, ҳаммаси виждонингизга ҳавола, деган бўлардим».
Актёр ҳаётда ўзи яратган қайси образга ўхшашни истамайди?
«Ҳаётда ‘Бахт овчиси’ сериалидаги образимга ўхшашни истамайман. Сценарийни ўқиганимда, образимнинг онасига қарши борадиган жойлари, шундан кейин онаси оқ қилдим деган воқеалар бор. Ўша пайт жуда ғалати бўлиб кетганман. Гулчеҳра Иброҳимбекова ҳам яхши рол ўйнаган, худди онам гапиргандек бўлган, бу жуда ёмон нарса», — дейди актёр.
Мавзуга доир:
- Дурдона Қурбонова ва Феруза Норматова, Шаҳзод Султонов ва Шоҳрух Ҳамдамов: Жиддий келишмовчилик сабаб бир фильмда суратга тушишни истамайдиган актёр ва актрисалар (видео).
- Instagram: Синглисига машина совға қилган Муҳаммадзиё, яқин инсонидан айрилган Раъно Шодиева, «запрет»га тушган Шоҳрух Ҳамдамов.
- Instagram: «Дизайнчи»нинг онасига сюрпризи, Шаҳзод Султонов ва Шоҳруҳ Ҳамдамов орасидаги совуқчилик, «Миллион» ҳақида кескин фикр билдирган Дурдона Қурбонова.
- Instagram: Севара Солиева ҳижобга кириб, санъатни тарк этдими? Шоҳрух Ҳамдамов Ситора Алимжоновани яхши кўрадими? Абдукарим Мирзаевга тақлид.
Изоҳ (0)