Жаҳон ва ўзбек шоу-бизнеси вакилларининг Instagram саҳифаларига жойлаштирилган қизиқарли фото ва видеоларни эътиборингизга ҳавола этамиз.
Актриса, инстаблогер Феруза Норматова янги суратини саҳифасига жойлади ва мухлисларига ташқи кўриниш учун кўп вақт сарфламасликни, қалбни тоза тутиш кераклигини, чунки инсоннинг юзида унинг қалб гўзаллиги намоён бўлишини айтди.
Актёр, қизиқчи Искандар Ҳамроқулов 45 ёшида машина ҳайдашни ўрганишга қарор қилганини айтди ва ўқув машғулотларида машина ҳайдагани акс этган видеони эълон қилди.
Асал Шодиева модалар кўргазмасида тушган сурати билан кўриниш берди.
Ўзбекистон халқ артисти, маданият вазири Озодбек Назарбеков Хоразмда янги очилган Жалолиддин Мангуберди ёдгорлик мажмуасида сайр қилиб юрган аҳоли учун «Мендирман» номли таронасини жонли овозда куйлаб берди.
Нилуфар Усмонова Жиззахдан Тошкентга қайтишда йўл-йўлакай Сирдарё қовунларидан таътиб кўргани акс этган видеони мухлисларига кўрсатди. Шунингдек, хонанда видеодаги кўринишини мардикор аёлларга ўхшашини айтди.
Хонанда Нилуфар Усмонова қизи Садиянинг ҳам суратини обуначиларига намойиш қилди.
Ижтимоий тармоқларда Абдулла Қурбоновнинг чойхонада ўтирган ҳолда «кўзи кетиб қолгани» акс этган видео тарқалди.
Хонанда Дилдора Ниёзова оиласининг апрель ойида Туркияга саёҳати акс этган архив видеоларни эълон қилди. Видеода унинг денгизга ва қадимий зиёратгоҳларга борганини кўриш мумкин.
Актриса Дилноза Кубаева янги суратини обуначиларига кўрсатди ва яхши кайфиятни ушлаб қолиш кераклигини айтди.
Хонанда Лола қизи билан тушган суратини эълон қилди ва мухлисларига қиз фарзанд тарбиялаётгани, шунинг учун дарахт экиш, уй қуришдан маъно йўқлигини айтди.
Актриса Зарина Низомиддинова «Парихона» сериалида суратга тушаётганини маълум қилди. Актриса сериалда эпизодик рол билан кўриниш беради. Бу рол Заринанинг маълум муддат давом этган ижодий танаффусдан сўнг илк образи ҳисобланади.
Хонанда Баҳром Назаров «Шуҳрат» медали билан тақдирланганини маълум қилди ва бу ютуқ Аллоҳнинг инояти, ота-онасининг дуоси, устозларининг йўл-йўриғи, халқ меҳри, ижодкор дўстлари билан бирга қилган меҳнатининг маҳсули эканини айтди.
Шахло Зоирова «Божалар» гуруҳининг «Пари» номли таронасини тинглаб хизматларга йўл олгани акс этган видеони эълон қилди.
Иззат Ибрагимов ҳамкасби, «Хўжа» гуруҳида 23 йилдан буён фаолият юритаётган хонанда Рустам Норхўжаев билан тушган суратини мухлисларига кўрсатди.
Оёғи қаттиқ лат еган Паризода тўйда ҳеч нарса бўлмагандек рақсга тушган видеосини эълон қилди ва рақсга тушишидан олдин оғриқ қолдирувчи дори ичганини, тўхтамай рақсга тушгани ҳақида мухлисларига гапирди. Шифокорлар унга 20 кун рақсга тушишни тақиқлаган эди.
Бир қанча хит тароналар ижрочиси Муниса Ризаева янги суратини обуначиларига намойиш қилди ва инсонлар бир-бирини феъл-атвор, масофа, ёш, тўсиқларга қарамай севиши кераклиги ҳақида гапирди.
Хонанда Афруза онаси Шаҳло Рустамова билан тушган янги видеони эълон қилди.
Мавзуга доир:
- Instagram: Оёғини жароҳатлаган Паризода, Улуғбек Раҳматуллаевдан янги қўшиқ, кунини боғчада ўтказган Лола.
- Instagram: Имроннинг Дурдонасиз ишланган навбатдаги клипи, Фарҳод учун рафиқасининг сюрпризи, қўшиқ айта бошлаган Зуҳра Солиева.
- Instagram: Татяна Каримованинг дабдабали туғилган куни, Cadillac Escalade харид қилган Одил Аҳмедов, Феруза Норматованинг ота-онасига сюрпризи.
- Instagram: Бувисини табриклаш учун Тошкентга келган Марям Тиллаева, халқ артистига айланган Афруза, Дурдона Қурбонованинг яхши кўргани ким?
Изоҳ (0)