Турк кино оламида ўз ўрнига эга бўлган актриса Демет Ўздемир ва мусиқачи Ўгузхан Кочнинг тўйи 2022 йилнинг 26 август куни бўлиб ўтиши керак эди, бироқ меҳмонлар никоҳ оқшоми бошланмасидан бироз олдин тўй ўша куни бўлмаслигини билган. Об-ҳаво шароити туфайли тўй маросими 28 август, якшанба кунига кўчирилди. Никоҳ маросими Истанбулдаги беш юлдузли Сих Senses Kocatas Mansionс меҳмонхонасида, очиқ ҳавода ўтказилиши режалаштирилган эди, аммо кучли ёмғир никоҳ оқшомини бузиш эҳтимоли ҳам бўлган. Шунинг учун тўй учун яна бир кун белгилашга қарор қилинди.
Демет Ўздемир ва Ўгузхан Коч 28 август куни турмуш қурди. Демет турк оммавий ахборот воситаларининг бирига берган интервьюсида тўйи куни байрам қилишни режалаштирмаётганини айтган эди.
«Ёзни иш билан ўтказамиз, таътилга чиқа олмаслигимиз ҳам мумкин. Суратга олиш жараёнлари кўп бўлса, тугалланмаган иш жараёнлари ўртасида тўй қилишни хоҳламаймиз. Бу ҳақда ўйлаб кўрамиз. Вазият қандай бўлишини кузатамиз. Ҳозирча аниқ эмас. Биз бу кунни фақат яқин дўстлар ва қариндошлар билан баҳам кўришни хоҳлаймиз », — деган эди актриса.
Жуфтлик яқинлари, дўстлари ва мухлисларини хурсанд қилиш учун ёрқин байрам уюштирди. Тўй маросимидан олинган суратлар эса эълон қилинди. Актриса тўй маросимида уч хил образда пайдо бўлди. Унинг биринчи образи бир қарашда оддий кўринади, бироқ у ҳақиқатан ҳам келинга мос келади. Ушбу кўйлак Эда Гюнгор кийимлар музейи стилистлари томонидан яратилган.
Тўй маросимининг расмий қисмидан сўнг Демет тўй либосини ўзгартириб, бутунлай бошқача кўринишга эга бўлди. Ушбу либос Ниҳан Пекер томонидан яратилган.
Аммо унинг учинчи кўйлагининг фотосуратлари топилмади, турк матбуоти либоснинг кўк рангда экани ва келиннинг сочларида нафис безаклар бўлганини ёзган. Катта эҳтимол билан бу Демет Ўздемирнинг яна бир тўй образи.
Тўйда келин-куёвнинг яқинлари, дўстлари, турк шоу-бизнес оламининг кўплаб машҳурлари иштирок этди. Тўйга 213 минг доллардан ортиқ маблағ кетгани маълум қилинган.
Барча меҳмонлар жуфтликни турмуш қургани билан табриклади ва бундан ташқари қўшиқ айтиб рақсга тушишди. Никоҳ оқшоми тантанали тарзда бўлиб ўтди.
Ўгузхан ва Демет ушбу махсус кунни янада мазмунли қилиш учун саратон касаллигига чалинган болаларни қўллаб-қувватловчи болалар жамғармасига хайрия қилди.
Мавзуга доир:
- Демет Ўздемирдан Ханде Эрчелгача: Туркиянинг энг гўзал актрисаларидан юз парвариши бўйича тавсиялар.
- Турк сериаллари юлдузи Демет Ўздемир турмушга чиқмоқда.
- «Йил аёли»га номзод Ханде Эрчел, баҳорда экранларга қайтишга ваъда берган Демет Ўздемир. Турк киноси янгиликлари.
- Рики Мартин Демет Ўздемирнинг фолловерига айланди, Кенан Имирзалиўғлу ота бўлади. Турк киноси янгиликлари.
Изоҳ (0)