Болалигиданоқ машҳурликка эришган жаҳон киноси юлдузлари бугун қандай кўринишда ва ҳаётини ким билан боғлаган? (фото)

Охирги вақтларда 2000 йилларнинг мусиқаси ва модаси яна қайтаётганига гувоҳ бўлиш мумкин. Баъзан ҳатто ўша йилларда туғилмаганлар ҳам носталгияни яхши кўради. Бунинг сабабларидан бири — ўша даврни ҳис қилиш истагидир. Аммо орадан йиллар ўтди ва 2000 йилларда бола бўлган одамлар ҳозир катта инсонларга айланиб, оила қурган, ҳатто бир неча фарзандлар ҳам тарбияламоқда. AdMe нашри болалигидан машҳурликка эришган юлдузларнинг бугунги кўриниши ва ҳаёти билан боғлиқ қизиқарли маълумотлар билан бўлишди.

Линдси Лохан

«Ота-оналар учун тузоқ» (1998) ва «Ғайриоддий жума» (2003) комедияларининг юлдузи ўз фаолиятини 3 ёшида, аввалига модель, кейин эса актриса сифатида бошлаган. Ҳозирда Линдси Лохан фильмларда рол ўйнашда давом этмоқда. 2022 йил унинг иштирокидаги «Фаллинг фор Чристмас» фильми чиқарилади. Линдси яқинда молиячи Бадер Шаммасга турмушга чиқди ва у 2022 йил 2 июль куни дунёдаги энг омадли аёл эканини маълум қилди.

Жо Жонас

Жонаснинг акаси ўзининг биринчи альбоми — «Итъс Абоут Time»ни чиқарганда, Жо 17 ёшда эди. 2019 йилда у Софи Торнер билан турмуш қурди. Ҳозирда жуфтликнинг 2 нафар қизи бор.

Кристина Риччи

«Аддамлар оиласи» (1991) фильмидаги роли билан танилган Кристина Риччи 9 ёшида кинода дебют қилган. 2021 йилда Кристина иккинчи марта — стилист Марк Хемптонга турмушга чиқди.

Эшли Тисдейл

Disney канали юлдузи «Ҳаммаси тип-топ ёки Зак ва Коди ҳаёти» (2005–2008) ва «Ажойиб мюзикл» (2006) телесериали туфайли машҳур бўлди. Аммо бундан олдин ҳам у кўп марта реклама роликларида пайдо бўлган ва телевизион лойиҳалар ҳамда театрда кичик ролларни ўйнаган. Ҳозирда Эшли ўз бизнесига эга, шунингдек, суратга тушиш ишларини давом эттирмоқда. Эшли Кристофер Френч билан 2014 йилда турмуш қурган ва уларнинг қизи Юпитер Айрис Френч 2021 йилда дунёга келди.

Мэттью Льюис

Инглиз актёри Мэттью Льюис Гарри Поттер фильмлари сериясида Невилл Долгопупс ролини ўйнаш орқали машҳурликка эришди. Бироқ бу унинг кинодаги биринчи иши эмас эди: «Бу ҳаёт деб аталади» (1996) фильми унинг дебюти бўлди. Ҳозирда Мэттью актёрлик фаолиятини давом эттирмоқда, лекин кўпинча телевизион лойиҳаларда пайдо бўлади. 2018 йилда Льюис тадбир ташкиллаштирувчи Анжела Жонс билан турмуш қурган.

 Дэвид Хенри

«Вейверли Плейс сеҳргарлари» сериалининг юлдузи (2007-2012) The Питц (2003) ситкомида ўзининг биринчи бош ролини ўйнади. Ўша вақтда у 13 ёшда эди. Ҳозирда эса Дэвид режиссёрлик қилади ва сценарийлар ёзади. 2017 йилда Хенри бир пайтлар «Делавер гўзали» танловида ғолиб чиққан Мария Кахиллга уйланди. Жуфтликнинг уч нафар фарзанди бор.

Алекса Пенавега

Кўпчилик Алексани «Уддабурон болалар» франшизасидаги ролидан эслайди, гарчи унинг кайрераси бундан олдинроқ бошланган бўлса ҳам. Унинг биринчи ишлари орасида «Смерч» фильми бор. Ҳозирда Алекса нафақат актриса, балки қўшиқчи ҳам. Алекса собиқ «Big Time Руш» актёри ва қўшиқчи Карлос Пенавега билан турмуш қурган. Уларнинг учта фарзанди бор.

Корбин Блю

Корбин Блюнинг энг кўзга кўринган роли «Ажойиб мюзикл» фильмида бўлган, аммо у нафақат қўшиқчи, балки баскетболчи сифатида ҳам машҳур. Унинг дебюти 2004 йилда чиқарилган «Тақиқланган миссия» саргузашт комедияси бўлиб, унинг партнёри Кристен Стюарт эди. У ҳали ҳам фильмларда суратга тушишда давом этмоқда. Корбин ўзининг ҳамкасби, актриса Саша Клеменцга уйланган.

Нейтан Кресс

2021 йилда ижодни қайта бошлашга қарор қилган «Айкарли» (2007-2012) ситкомидаги роли билан кўпчиликка танилган актёр 4 ёшида ўз фаолиятини бошлаган. У реклама роликларида ва фильмларда кичик эпизодик ролларда рол ўйнаган. Кейинчалик Нейтан ўз портфолиосига режиссёрлик ва дубляж актёрлиги тажрибасини қўшди. 2015 йилда Нейтан актриса ва каскадёр Лондон Элиз Мур билан турмуш қурди. Жуфтликнинг 2 нафар қизи бор.

Бритни Спирс

Бритни Спирс ўзининг вокал қобилиятини биринчи марта 1992 йилда 10 ёшида Стар Search’да намойиш этган. «Baby One More Time» қўшиғи 1998 йилда хитга айланди, ўша пайтда поп юлдузи атиги 17 ёшда эди. Йиллар давомида унинг карьерасида турли ҳолатлар юз берди. Аммо яқинда Бритни ўз ҳаётини назорат қила бошлади ва 2022 йил июнь ойида актёр ва фитнес бўйича мураббий Сем Асгарига турмушга чиқди.