Малика Диананинг машинаси Silverstone аукционида 650 минг фунт стерлинг (760 828 доллар) га сотилди, деб ёзади People Talk.
Қора Ford Escort RS Turbo 1985 йилдан 1988 йилгача Леди Дига тегишли бўлган. Тендер ташкилотчисининг сўзларига кўра, у ўз машинасини ҳеч кимга бошқаришга рухсат бермаган, шу боис қўриқчилар доим йўловчи ўриндиқларига ўтиришга мажбур бўлган.
Ford’ни ҳимоя қилиш учун Диана хоним «бардачок»ка полиция рацияси ва қўриқчи офицер учун қўшимча орқа кўзгу ўрнатган. Бу Британия қироллик оиласи аъзолари учун жуда камтарона танловдир ва кўпчилик Диана шу тарзда ўзининг халққа яқинлигини кўрсатди, деб тахмин қилмоқда.
Айтганча, машина нафақат эгаси туфайли, балки қора рангли Ford RS Turbo Series 1 моделининг ўзи ҳам ноёбдир. 1988 йилда малика Диана ўз машинасини Ford Motor Company менежерининг рафиқасига 2638 фунт стерлинг (3087 доллар) га сотган.
Изоҳ (0)