Сентябрь ойида Қозоғистон дони ва уни яна ташқи бозорларга чиқиши мумкин. Мамлакат Қишлоқ хўжалиги вазирлиги бу йилги ҳосил ҳамма учун етарли бўлади, деб ҳисоблаб, буғдой ва ун экспортига нисбатан чеклов чораларини бекор қилиш имкониятини кўриб чиқишни таклиф қилмоқда. Бу ҳақда ОРДА нашри хабар берди.
Қозоғистон Қишлоқ хўжалиги вазири Ербол Карашукеев, ўз саҳифасида барча экспорт чекловларини олиб ташлаш ташаббуси келгуси ҳафта Муваққат комиссиянинг навбатдаги йиғилишида муҳокама қилинишини айтди.
Вазирлик қарори нима билан боғлиқлигини тушунтираман. Қозоғистонда 2022 йил 30 сентябрга қадар дон экспорти учун квоталар 550 минг тонна ва ун 370 минг тоннадан ортиқ бўлмаган миқдорда белгиланган. Бу чекловлар жорий этилганда, биз, биринчи навбатда, оғир халқаро вазиятни ҳисобга олиб, ички бозорни озиқ-овқат инқирозидан ҳимоя қилишга ҳаракат қилдик. Қолаверса, ўша пайтда Қозоғистонни қандай ҳосил кутаётгани ҳақида аниқ кўрсаткичлар бўлмаган», — деб ёзади вазир.Унинг сўзларига кўра, буғдой ялпи ҳосили бўйича жорий йилги прогнозлар оптимистик – қарийб 13 миллион тоннани ташкил этади. Бу кўрсаткич эса ўтган йилдагидан кўп.
Ҳосилдорликнинг юқори кўрсатгичи туфайли қишлоқ хўжалиги ишлаб чиқарувчиларига ғалла ва унни хорижга сотишга рухсат бериш мумкин.
Изоҳ (0)