Sentabr oyida Qozog‘iston doni va uni yana tashqi bozorlarga chiqishi mumkin. Mamlakat Qishloq xo‘jaligi vazirligi bu yilgi hosil hamma uchun yetarli bo‘ladi, deb hisoblab, bug‘doy va un eksportiga nisbatan cheklov choralarini bekor qilish imkoniyatini ko‘rib chiqishni taklif qilmoqda. Bu haqda ORDA nashri xabar berdi.
Qozog‘iston Qishloq xo‘jaligi vaziri Yerbol Karashukeyev, o‘z sahifasida barcha eksport cheklovlarini olib tashlash tashabbusi kelgusi hafta Muvaqqat komissiyaning navbatdagi yig‘ilishida muhokama qilinishini aytdi.
Vazirlik qarori nima bilan bog‘liqligini tushuntiraman. Qozog‘istonda 2022-yil 30-sentabrga qadar don eksporti uchun kvotalar 550 ming tonna va un 370 ming tonnadan ortiq bo‘lmagan miqdorda belgilangan. Bu cheklovlar joriy etilganda, biz, birinchi navbatda, og‘ir xalqaro vaziyatni hisobga olib, ichki bozorni oziq-ovqat inqirozidan himoya qilishga harakat qildik. Qolaversa, o‘sha paytda Qozog‘istonni qanday hosil kutayotgani haqida aniq ko‘rsatkichlar bo‘lmagan”, — deb yozadi vazir.Uning so‘zlariga ko‘ra, bug‘doy yalpi hosili bo‘yicha joriy yilgi prognozlar optimistik – qariyb 13 million tonnani tashkil etadi. Bu ko‘rsatkich esa o‘tgan yildagidan ko‘p.
Hosildorlikning yuqori ko‘rsatgichi tufayli qishloq xo‘jaligi ishlab chiqaruvchilariga g‘alla va unni xorijga sotishga ruxsat berish mumkin.
Izoh (0)