Bola har doim ota-onalar uchun katta quvonchdir — egizaklar esa ikki marta ko‘proq baxtdir. Quyida Gollivud aktyorlari, qo‘shiqchilari va aristokratlaridan qaysi biri bir vaqtning o‘zida kamida ikkita merosxo‘r yetishtirish baxtiga muyassar bo‘lgani haqida ma’lumot beramiz.
Jorj va Amal Kluni
Ularning egizaklari qachon tug‘ilgan: 2017-yil 6-iyun
2017-yilning iyul oyida Gollivudning betakror juftligi, aktyor Jorj Kluni va uning rafiqasi, xalqaro huquqshunos Amal ham egizaklarning baxtli ota-onasiga aylanishdi. Aleksandr va Ella tug‘ilganda Kluni 56, Amal esa 39 yoshda edi.
Ularning ta’kidlashicha, ikkalasi ham ota-ona rolidan haqiqiy zavq olishadi: Jorj chaqaloqlarning tagliklarini almashtirishdan qochmaydi, rafiqasi esa karyerasini ham, onalikni ham mukammal uyg‘unlashtira oladi.
Beyonse va Jay Z
Ularning egizak farzandlari qachon tug‘ilgan: 2017-yil 12-iyun
2017-yil fevralda qo‘shiqchi Beyonse va uning turmush o‘rtog‘i, prodyuser Jay Z’ning yaqinda egizaklarning ota-onasi bo‘lishlari haqidagi xabari chindan ham misli ko‘rilmagan shov-shuvga sabab bo‘ldi va global tarmoqni portlatib yubordi. Atigi 11 soat ichida qo‘shiqchining homiladorligi haqidagi Instagram’dagi posti ijtimoiy tarmoq tarixidagi rekord darajadagi 8 million layk to‘pladi.
Biroq xonanda o‘zining sevimli “Ona Yer” obrazidagi yangi tug‘ilgan chaqaloqlarini obunachilarga ko‘rsatgan fotosurati ham undan kam mashhur bo‘lmadi. Yulduzli ota-onalar egizaklar uchun birinchi qizi Blyu Ayviga o‘xshash noodatiy ism tanladi — Rumiy va Ser, ular ilgari AQSh Savdo palatasida ismlarga bo‘lgan huquqlarni ro‘yxatdan o‘tkazgan.
Enrike Iglesias va Anna Kurnikova
Ularning egizak farzandlari qachon tug‘ilgan: 2017-yil 16-dekabr
Uch yil oldin, 2000-yillarning mashhur juftligi Enrike Iglesias va Anna Kurnikova farzandli bo‘lishganini ma’lum qilishdi. Yulduzli ota-onalar o‘zlarining Instagram akkauntlarida e’lon qilgan yangilik hamma uchun mutlaqo ajablanarli bo‘ldi: axir, hech kim nafaqat egizaklarning tug‘ilgan sanasini, balki Annaning homiladorligini ham bilmas edi. Ma’lum bo‘lishicha, hatto yulduzlar ham o‘zlarining shaxsiy hayotini sir saqlashi mumkin.
Anjelina Joli va Bred Pitt
Ularning egizak farzandlari qachon tug‘ilgan: 2008-yil 12-iyul
Shubhasiz, Joli va Bredning egizaklari sayyoradagi eng mashhurlaridir. Ayniqsa, taniqli er-xotinning ajralishi fonida. Aytgancha, Fransiyaning Nitsa shahrida tug‘ilgan Noks Leon va Vivyen Marcheline nafaqat eng mashhur ota-onaning farzandi, balki eng katta gonorar olgan bolalar ham: ularning yangi tug‘ilgan chaqaloqligidagi fotosuratlari 14 million dollarga Hello va People jurnallariga sotilib, jahon rekordini o‘rnatgan. Ko‘rinishidan, aktyorlar bolalarini tug‘ilgandanoq yaxshi ishlar qilishga o‘rgatishga qaror qilishgan: pullarning hammasi xayriyaga o‘tkaziladi.
Krishtianu Ronaldu va Jorjina Rodriges
Ularning egizak farzandlari qachon tug‘ilgan: 2017-yil 8-iyun
Hozirda portugaliyalik futbolchi to‘rt nafar farzandni tarbiyalamoqda, ulardan uchtasi surrogat ona tufayli dunyoga kelgan, jumladan, 2017-yilning iyun oyi boshida tug‘ilgan egizaklar Eva va Mateu ham. Biroq futbolchi bolalarini birinchi marta bir necha haftadan so‘ng ko‘rgan: o‘sha paytda Krishtianu butun oyni Rossiyada Konfederatsiyalar kubogida o‘tkazadi. Biroq otalik tuyg‘usi sport ambitsiyalarini yengdi: hujumchi bolalarining oldiga qaytish uchun uchinchi o‘yinda qatnashishdan bosh tortadi.
Julia Roberts va Daniel Moder
Ularning egizak farzandlari qachon tug‘ilgan: 2004-yil 28-noyabr
Roberts 36 yoshida egizaklari — qizi Hazel va o‘g‘li Finneasni dunyoga keltirdi, keyin bolalarni tarbiyalash uchun jami besh yil davomida aktrisalik faoliyatini to‘xtatdi. Biroq hozir ham bolalari ancha katta bo‘lgan bo‘lsa-da, uning filmdagi rollari epizodik bo‘lib, bu farzandlari trabiyasidan uzoqlashishni talab qilmaydi. Shunday qilib, Julia uning uchun oila har doim birinchi o‘rinda turishini tinimsiz isbotlashda davom etmoqda.
Jennifer Lopes va Mark Entoni
Ularning egizak farzandlari qachon tug‘ilgan: 2008-yil 22-fevral
Bu juftlikning tarixi taqdirning kutilmagan burilishlari va fojiali oqibatlarga to‘la. Ko‘p yillar davomida ular hatto EKU yordamida ham farzandli bo‘la olmadilar va eng yaxshi shifokorlar ham bu borada yordam berolmadi. Biroq taqdir Lopesning qat’iyatliligi tufayli uni mukofotladi — er-xotin hozir 14 yoshda bo‘lgan Maks va Emmaning ota-onasi bo‘ldi. Hozir esa Jennifer va Mark ajrashgan, ammo do‘stona munosabatlarni saqlab qolib, farzandlarini birgalikda tarbiyalamoqda.
Marayya Kerri va Nik Kannon
Ularning egizak farzandlari qachon tug‘ilgan: 2011-yil 30-aprel
Hozirda sobiq juftlik egizaklarning ota-onasi bo‘lish baxtiga sazovor bo‘ldi – qizi Monro va o‘g‘li Marokanno. Xonandaning homiladorligi juda og‘ir kechadi va ko‘plab intervyularida u yana buni boshdan kechirishga tayyor emasligini bir necha bor aytib o‘tgan. Insayderlarning so‘zlariga ko‘ra, ajralish sabablaridan biri uning yana ona bo‘lishni istamasligi edi.
Zoi Saldana va Marko Perego
Ularning egizak farzandlari qachon tug‘ilgan: 2014-yil 27-noyabr
Atigi uch oylik munosabatlardan so‘ng, juftlik o‘zlarini ota-ona rolida sinab ko‘rishga qaror qilishdi. Hozircha aktrisa va rassom uchun hammasi yaxshi ketmoqda: 2017-yil fevral oyida ular yana farzandli bo‘lishdi.
Izoh (0)