Кадрда энг яхши дўстлар ёки севишганларни тасвирлаш, лекин ҳақиқий ҳаётда бир-бирига чидай олмаслик жуда қийин. «Wday.ru» нашри актёрларнинг қайси бири билан ишлаш осон бўлмаганини ва нима учун эканлиги ҳақида маълумот беради.
Жером Флинн ва Лена Хеди, «Тахтлар ўйини»
«Тахтлар ўйини» сериалининг мухлислари сюжетда икки қаҳрамон – Бронн (Жером Флинн) ва Серсея (Лена Хеди) ҳеч қачон бир кадрда суратга тушмаганини пайқашган бўлса керак. Шу шарт билангина актёрлар фильмда суратга тушишга рози бўлишади. Бу ҳатто шартномада ҳам қайд этилган.
Жером ва Линанинг бир-бирини ёқтирмаслигининг сабаби жуда оддий. Бир неча йил олдин машҳурлар севишиб, кейин жанжаллашган. Севгидан нафратгача бир қадам деб шуни айтишса керак.
Леонардо Ди Каприо ва Клер Дейнс, «Ромео + Жулетта»
«Ромео+Жулетта» фильмини суратга олиш чоғида Леонардо Ди Каприо ва Клер Дейнс ошиқлар ролини ижро этишади, бироқ камера ўчган заҳоти улар турли томонга тарқалиб кетади. Актёрларга яқин манбаларнинг таъкидлашича, улар бир-бирларини ёқтиришмаган — ҳеч қандай сабабсиз. Гўёки Лео Клернинг соддалигидан ғазабланган ва Клерга эса, ўз навбатида, Леонинг ҳаддан ташқари қувноқ феъл-атвори ёқмаган. Лойиҳа якунида Ди Каприо ва Дейнс хайрлашиб, энди бирга ишламасликка ваъда беришади.
Блейк Лайвли ва Лейтон Мистер, «Ғийбатчи»
Блейк Лайвли ва Лейтон Мистер фильмда дўст бўлишган, лекин ҳақиқий ҳаётда эмас. Қизларнинг ҳамкасблари журналистларга суратга олишдан танаффус пайтида улар ҳатто бир-бирларига қарамаганликларини бир неча бор айтишган. Ҳатто бир-бири билан сўрашмаган ҳам. Бундай хатти-ҳаракатларнинг сабаби ҳамма учун номаълум бўлиб қолмоқда.
Аммо Лейтон Блейкнинг машҳурлигига ҳасад қилгани ҳақида миш-мишлар тарқалади. Ҳозирда актрисаларнинг муносабатлари яхшиланганми ёки йўқми, ҳали номаълум.
Анжелина Жоли ва Жонни Депп, «Сайёҳ»
Анжелина Жоли ва Жонни Депп ошиқ жуфтлик ролини ўйнашади, лекин фильм экранга чиққандан сўнг улар бир-бирларига зўрға тоқат қилишларини тан олишади. Кейинчалик маълум бўлишича, юлдузларнинг можароси кўпроқ шахсий характерга эга эди. Жоли Деппни зерикарли, Депп эса Жолини такаббур деб ҳисоблаган.
Америка Феррера ва Линдси Лоҳан, «Хунук қиз»
Сериалда бош ролни ўйнаган Америка Феррера дарҳол эпизодик ролга маъқулланган Линдси Лоҳанга даъво қилади. Ўшанда ёш актрисага шов-шувли юлдузнинг такаббур хатти-ҳаракати ёқмайди.
Ферреранинг сўзларига кўра, Лоҳан такаббурлик қилган, ўз атрофидагилар билан суратга олиш майдончасига келган ва кийиниш хонасини ўзидан кейин тозаламаган. Натижада режиссёр Америкага ён босади ва Линдси фақат тўртта сериалда суратга тушади. Бироқ Лоҳан бу ҳолатдан умуман хижолат тортмайди — у Ферреранинг айбловларига эътибор бермайди ҳам.
Риз Уизерспун ва Винс Вон, «Тўртта Рождество»
Риз Уизерспун ва Винс Вон севишганлар образини жуда зўр ижро этишади, бироқ актёрларнинг саҳна ортида ўзини қандай тутганини кам одам билади. Маълум бўлишича, улар бир-бирлари билан умуман мулоқот қилмаган. Ризнинг сўзларига кўра, Винс у билан яхши муносабатда бўлмаган: у деярли ҳар куни интервью ва матбуот анжуманларида бирга тушган фильмни тарғиб қилган, Вон эса ҳеч нарса қилмаган.
Охир-оқибат турли шаҳарлардаги фильм тақдимотларида улар қизил гиламга чиқишади. Ҳозирда Уизерспуннинг айтишича, Винс Вон билан ярашган ва бир-бирига ёмонлик қилмайди.
Шеннен Доэрти ва Женни Гарт, «Беверли-Хиллз, 90210»
Бир неча йил аввал «Беверли-Хиллз, 90210» фильмининг актёрларидан бири Жейсон Присли ўз хотираларида сериал қандай суратга олингани ҳақида гапириб берган эди. Маълум бўлишича, ҳамма ишлар силлиқ кетмаган. Фильм ижодкорлари кўпинча унинг Шеннен Доэрти билан жанжаллашишини кузатишга мажбур бўлишган.
Аммо ундан ҳам тез-тез Шеннен ва Женни Гарт ўртасида оғзаки жанжаллар бўлиб турган. Албатта, йиллар ўтиб, барча хафагарчиликлар унутилди ва ҳозирда машҳурлар дўст бўлмасалар-да, душман ҳам эмас.
Жиллиан Андерсон ва Дэвид Духовни, «Махфий материаллар»
Сериалда Жиллиан Андерсон ва Дэвид Духовни ўртасида ишқий муносабати бор эди, лекин аслида актёрлар нафақат зиддиятда эдилар, балки дўст ҳам эмасдилар. Ва уларда бунинг сабаби бор эди. Андерсонга Духовни ушбу лойиҳада асосий қаҳрамон бўлгани ёқмайди, бундан ташқари, унга бир неча баравар кўпроқ пул тўлашади.
Аммо лойиҳа устида ишлаш пайтида Жиллиан ва Дэвид ҳали ҳам бир-бирларига ҳурмат билан муносабатда бўлишга куч топа олган.
Изоҳ (0)