Неслиҳан Атагул 30 ёшда: машҳур турк сериали — «Севги изтироби» юлдузи ҳақида 11 та қизиқарли факт

Машҳур турк актрисасининг туғилган куни муносабати билан унинг ижодий йўли ва шахсий ҳаёти ҳақида суҳбатлашамиз.

Славян илдизлари

Неслиҳан Истанбулда туғилган, лекин уни ҳақиқий турк аёли дейиш бироз нотўғри. Актрисанинг онаси беларус, отаси эса черкас. Кўпчилик қон аралашганлиги сабабли Атагулнинг шундай жозибали кўринишга эга деб ҳисоблайди.

Оилавий қийинчиликлар

Актрисанинг оиласи бой бўлмаган. Онаси уй бекаси бўлиб, болаларини тарбиялаган — Неслиҳаннинг катта акаси ҳам бор, отаси эса ҳайдовчи бўлиб ишлаган. Отасининг пули тирикчиликка зўрға етарди, шунинг учун оила бошлиғи хотини ва болаларини боқиш учун тез-тез қўшимча иш ҳам қиларди.

Онасининг ёрдами

Кўпчилик қизининг гўзаллигига қойил қолаётганига эътибор берган онаси унинг моделлик карьерасида муваффақият қозониши мумкин деб ўйлайди. Шу сабабли қизини турли хил кастингларга олиб боради, реклама агентликларига юбориш учун портфолио тайёрлайди.

Эрта келган омад

Атагул саккиз ёшга тўлганда турк агентлиги унга иш таклиф қилади. Қиз реклама роликларида фаол суратга туша бошлайди ва телевизорда кўринади. 14 ёшида актриса ўзининг биринчи кино асари — «Биринчи муҳаббат» фильмида рол ўйнайди. Ушбу лойиҳада иштирок этгани учун у ҳатто «Олтин пилла» мукофотига сазовор бўлади.

Дунё миқёсидаги муваффақият

2013 йилда Неслиҳан Туркияда машҳур бўлган «Истанбулнинг икки юзи» сериалида суратга тушади, аммо ҳақиқий муваффақият ҳали олдинда эди. 2015 йилда актриса «Муҳташам юз йил» юлдузи — Бурак Ўзчивит билан бирга «Севги изтироби» сериалида ишлай бошлайди. Сериал нафақат Туркияда, балки бошқа мамлакатларда ҳам машҳур бўлди.

Улкан севги

«Истанбулнинг икки юзи» сериалининг суратга олиш майдончасида актриса сюжетга кўра қаҳрамони ошиқ бўлган Қодир Дўғулу билан танишади. Натижада ҳақиқий ҳаётда ҳам актёрлар бир-бирига нисбатан нозик ҳис-туйғуларни бошдан кечиради.

Кадирнинг айтишича, мени биринчи кўрганида уни кимдир отиб ташланганга ўхшаган. Мен эса ҳеч нарсани ҳис қилмадим деб ўйлаганман. Лекин ундай эмас эди. Менда ҳам нимадир бўлган, лекин буни сўз билан ифодалай олмайман. Кадир ва мен бир-биримиз билан боғланган эдик, — дейди актриса.

Эрининг тақиқи

Атагул Дўғулу билан бахтли бўлса-да, «Севги изтироби» сериалининг мухлислари унинг ҳамкасби Бурак Ўзчивит билан учрашаётганига амин эдилар, чунки актёрлар севишганларни жуда ишончли тарзда ўйнашган.

Бироқ улар фақат иш юзасидан муносабатларга эга эдилар, гарчи улар фильмда бир неча марта бўса олишлари керак эди. Яна бир эҳтиросли бўсадан сўнг, Кадир севгилисига Бурак билан суратга олиш майдончасидан ташқарида гаплашишни тақиқлади, афтидан, у миш-мишлар қачондир ҳақиқат бўлиб чиқишидан қўрққан.

Турмуш ўртоғи билан доим бирга

Неслиҳан Кадир ҳаётидаги асосий инсонлардан бири эканлигини яширмайди. Ўзининг севгилиси учун актриса ҳатто «К» ҳарфини татуировка қилдирган ва шу билан у бутун умри давомида у билан бирга бўлишни хоҳлаётганига ишора қилган.

Табиий гўзаллик учун

Атагул кундалик ҳаётда пардозсиз юришни афзал кўради — у ҳар бир инсон ўзига хос тарзда гўзал эканлигига ишонади, шунинг учун табиийлигингизни косметика ортига яширмаслик керак. Албатта, суратга олиш пайтида актриса макияж қилади, шунда ҳам енгил пардозни афзал кўради.

Пластик жарроҳлик

Неслиҳан табиийликни қадрласа-да, ташқи кўринишини бироз ўзгартирган. Актрисага бурнининг шакли ёқмайди, шунинг учун у ринопластика қилдирган.

Севимли таоми

Атагул картошкани жуда яхши кўради ва кўпинча у билан турли хил овқатлар пиширади — буларнинг барчаси славян илдизларига эга экани туфайли.