NASA космик агентлиги Юпитер суратларини эълон қилди. Улар астроном Жуди Смит томонидан James Webb телескопи ёрдамида 2022 йилнинг июль ойи охирида олинган маълумотлар асосида яратилган. Тасвирларда қуёш системасидаги энг ёрқин ҳисобланган қутб ёғдусини кўриш мумкин. Суратларда, шунингдек, сайёра экваторидаги улкан атмосфера гирдоби — Буюк Қизил нуқта аниқ кўрсатилган.
Ушбу кенг бурчакли тасвирда Юпитернинг ҳалқалари ва йўлдошларини кўриш мумкин. Сурат Webb томонидан яқин инфрақизил диапозонда NIRCam камераси ёрдамида яратилган.
Август ойи ўрталарида Spaceguy44 тахаллуси остида ҳаваскор астроном томонидан Webb маълумотлари асосида яратилган бошқа суратлар баҳам кўрилган эди. У Катта Магеллан булути ва NGC 1365 спирал галактикаси қисмининг иллюстрацияларини интернетга жойлаган. Астрономнинг сўзларига кўра, Коинот тадқиқотлари институти сайтида мавжуд бўлган «хом» маълумотларни космик телескоп ёрдамида қайта ишлаш учун бир ой вақт кетган.
Изоҳ (0)