Донецк шаҳрида 23 август кунги отишмалар оқибатида Донецк халқ республикаси раҳбари маъмурияти жойлашган бино зарар кўрди. Бу ҳақда гувоҳларга таяниб, «Интерфакс» хабар бермоқда.
Маъмуриятнинг агентликка маълум қилишича, ҳодиса пайтида ДХР раҳбари Денис Пушилин бинода бўлмаган, шу сабаб унга ҳеч қандай жароҳат етмаган.
Донецк мэри Алексей Кулемзин 23 август куни шаҳар марказининг ўққа тутилиши оқибатида 2004 йилда туғилган ўсмир ҳалок бўлганини маълум қилди. «РИА Новости» хабарига кўра, камида икки киши шифохонага юборилган.
Журналистлар истиқомат қилаётгани айтилган меҳмонхона ҳам ўққа тутилган, деб ёзади «ТАСС».
Изоҳ (0)