NASA kosmik agentligi Yupiter suratlarini e’lon qildi. Ular astronom Judi Smit tomonidan James Webb teleskopi yordamida 2022-yilning iyul oyi oxirida olingan ma’lumotlar asosida yaratilgan. Tasvirlarda quyosh sistemasidagi eng yorqin hisoblangan qutb yog‘dusini ko‘rish mumkin. Suratlarda, shuningdek, sayyora ekvatoridagi ulkan atmosfera girdobi — Buyuk Qizil nuqta aniq ko‘rsatilgan.
Ushbu keng burchakli tasvirda Yupiterning halqalari va yo‘ldoshlarini ko‘rish mumkin. Surat Webb tomonidan yaqin infraqizil diapozonda NIRCam kamerasi yordamida yaratilgan.
Avgust oyi o‘rtalarida Spaceguy44 taxallusi ostida havaskor astronom tomonidan Webb ma’lumotlari asosida yaratilgan boshqa suratlar baham ko‘rilgan edi. U Katta Magellan buluti va NGC 1365 spiral galaktikasi qismining illyustratsiyalarini internetga joylagan. Astronomning so‘zlariga ko‘ra, Koinot tadqiqotlari instituti saytida mavjud bo‘lgan “xom” ma’lumotlarni kosmik teleskop yordamida qayta ishlash uchun bir oy vaqt ketgan.
Izoh (0)