Фарғона вилояти Бешариқ тумани тиббиёт бирлашмасининг туғуруқхонасида 7 август куни чақалоқ вафот этди. Бу ҳақда Бош прокуратура матбуот хизмати хабар бермоқда.
Қайд этилишича, 5 август куни туғилган ўғил жинсли чақалоқ икки томонлама зотилжам, ҳомила инфекцияси, туғма юрак нуқсони, нафас етишмовчилиги 2–3 даражаси ташхиси билан 7 август куни вафот этган. Ҳолат юзасидан суд-тиббий комиссион экспертизаси тайинланган.
Ҳозирда Бешариқ тумани прокуратураси томонидан терговга қадар текширув ҳаракатлари ўтказилмоқда.
Эслатиб ўтамиз, республикада содир бўлган ҳар бир чақалоқлар ўлими прокуратура органларида рўйхатга олиниб, ҳолат бўйича терговга қадар текширув ҳаракатлари ўтказилиб, қонуний қарорлар қабул қилиниб келинмоқда, — дейилади хабарда.Аввалроқ Қашқадарё вилоятининг Шаҳрисабз шаҳридаги туғуруқхонада эндигина туғилган чақалоқ вафот этганди.
Изоҳ (0)