Farg‘ona viloyati Beshariq tumani tibbiyot birlashmasining tug‘uruqxonasida 7-avgust kuni chaqaloq vafot etdi. Bu haqda Bosh prokuratura matbuot xizmati xabar bermoqda.
Qayd etilishicha, 5-avgust kuni tug‘ilgan o‘g‘il jinsli chaqaloq ikki tomonlama zotiljam, homila infeksiyasi, tug‘ma yurak nuqsoni, nafas yetishmovchiligi 2–3 darajasi tashxisi bilan 7-avgust kuni vafot etgan. Holat yuzasidan sud-tibbiy komission ekspertizasi tayinlangan.
Hozirda Beshariq tumani prokuraturasi tomonidan tergovga qadar tekshiruv harakatlari o‘tkazilmoqda.
Eslatib o‘tamiz, respublikada sodir bo‘lgan har bir chaqaloqlar o‘limi prokuratura organlarida ro‘yxatga olinib, holat bo‘yicha tergovga qadar tekshiruv harakatlari o‘tkazilib, qonuniy qarorlar qabul qilinib kelinmoqda, — deyiladi xabarda.Avvalroq Qashqadaryo viloyatining Shahrisabz shahridagi tug‘uruqxonada endigina tug‘ilgan chaqaloq vafot etgandi.
Izoh (0)