Бирлашган Араб Амирликлари (БАА) олти йил ичида биринчи марта Эронга ўз элчисини қайтаришни режалаштирмоқда, деб ёзади The Times of Israel.
Бу ҳақда Амирлик Ташқи ишлар вазирлиги эълон қилган. Айни пайта Форс кўрфази ва араб давлатлари федерацияси улар узоқ вақтдан бери минтақавий таҳдид дея ҳисоблаб келадиган Эрон билан алоқаларни яхшилаш бўйича саъй-ҳаракатларни кучайтирмоқда.
«Амирликнинг Эрондаги элчиси Сайф Муҳаммад ал-Зааби яқин кунларда Теҳронга қайтиб, икки қўшни ва минтақанинг умумий манфаатларига эришиш учун икки томонлама муносабатларни олға силжитишда давом этади», — деб хабар қилди БАА давлат ахборот агентлиги WAM.
Нашрнинг таъкидлашича, Форс кўрфази давлатлари ва Эрон ўртасидаги алоқаларни мустаҳкамлаш Исроил—БАА келишувларига таъсир кўрсатиши мумкин, чунки Исроил имкон қадар Эрон режимига халқаро босим ўтказишга ҳаракат қилмоқда.
БАА Саудия Арабистони билан бирдамлик сифатида 2016 йилда Эрон билан алоқаларини вақтинча ишлар вакили даражасига пасайтирган ва ўз позициясини «Теҳроннинг Форс кўрфази ва араб давлатларининг ички ишларига аралашувда давом этаётгани» билан изоҳлаган.
Изоҳ (0)