Mariupoldagi vayronalar, Konstantinovkada ichimlik suviga navbat. Urushning 179-kunidan fotoreportaj
21-avgust kuni Rossiya armiyasi bir necha yo‘nalishlarda hujumga o‘tishga urinib ko‘rdi va bu deyarli muvaffaqiyatsiz tugadi. Ukraina shaharlari yana raketa hujumlariga uchradi, bunga javoban Ukraina Qurolli Kuchlari Rossiya armiyasining o‘q-dorilar omborlariga zarba berishni davom ettirdi.
Zelenskiy ofisi rahbari maslahatchisi Mixail Podolyak rossiyalik siyosatshunos Aleksandr Duginning qizi Dariyaning o‘limiga Kiyevning hech qanday aloqasi yo‘qligini aytdi. Ukraina xavfsizlik xizmati hisob-kitoblariga ko‘ra, Rossiyaning har 20 ta raketa zarbasidan atigi bittasi harbiy obyektga berilgan. Rossiya Turoperatorlari uyushmasi ma’lumotlariga ko‘ra, bu yozda Qrimga sayyohlar oqimi ikki baravar kamaygan. 21-avgust kuni Rossiya “texnik sabablarga ko‘ra” Qora dengiz shaharlariaro dengizda yo‘lovchi tashishini to‘xtatdi. Meduza urushning 179-kuniga oid asosiy fotosuratlarni taqdim etdi.
Bahmutning o‘qqa tutilishi oqibatlari
Donetsk viloyati Bahmut shahrida o‘qqa tutilib vayron bo‘lgan do‘kon xarobalari ichida yotgan it. Baxmut deyarli har kuni o‘qqa tutilmoqda, rus armiyasi shaharga bostirib kirishga urinmoqda. Ukraina Qurolli kuchlarining tezkor hisobotlariga ko‘ra, 21-avgustga o‘tar kechasi yettita hujum (nafaqat raketa artilleriyasidan, balki to‘p artilleriyasidan ham) sodir etilgan.Foto: Reuters
Bahmutdagi tungi otishmalardan so‘ng, mahalliy aholi vakili hovlisini tozalash paytida yig‘ilgan chiqindilarni aravada olib ketmoqda.Foto: Reuters
Bahmutdagi do‘kon oldida turgan Ukraina harbiylari va tinch aholiFoto: Reuters
Odessadagi ishdan chiqarilgan rus texnikalari
Odessada rus armiyasining vayron qilingan yuk mashinasidagi Z belgisini suratga olayotgan erkak. Shahar nisbatan tinch: don tashuvchi kemalar portni tark etmoqda, yaqinda BMT Bosh kotibi Antoniu Guterrish Odessaga tashrif buyurgan edi. Biroq ozmi-ko‘pmi shaharni o‘qqa tutish davom etmoqda.Foto: Meduza
Odessada bolalar shikastlangan rus mashinalari ustida o‘ynamoqda.Foto: Meduza
Ishg‘ol qilingan Mariupoldagi hayot
Mariupollik ayol uyining podyezdiga kirmoqda. O‘qqa tutilganidan keyin hovli vayronalarga to‘lib ketgan. Shaharda yangi rossiyaparast hokimiyat “Azov” polkining asirga olingan jangchilari ustidan namoyish tribunali tashkil qilmoqchi. Ukraina prezidenti Vladimir Zelenskiy agar shunday sud jarayoni bo‘lsa, Ukraina Rossiya bilan muzokara qilishdan bosh tortishini aytdi.Foto: Reuters
Mariupol tumanlaridan birida vayron qilingan va o‘qlardan shikastlangan xususiy uylar.Foto: Reuters
Mariupollik ayol shahar bozorida.Foto: Reuters
Mariupolda vayron bo‘lgan va qayta ta’mirlanmagan uy “snos” qilinmoqda. Mariupolga kelgan rossiyalik quruvchilar Rossiya Qurilish vazirligi tomonidan tasdiqlangan reja asosida vayron bo‘lgan uylarni buzishga kirishdi. Sankt-Peterburg hukumati shahar Mariupoldagi 29 ta obyektni tiklashda yordam bermoqchi ekanini e’lon qilgan. Sankt-Peterburg shaharga 100 dan ortiq qurilish texnikasini yuborgan.Foto: Reuters
Donbass shimolidagi tinch aholi
Donetsk viloyatining Ukraina nazoratidagi Drujkovka shahrida velosipedchi iti bilan barrikadalar orasidan o‘tmoqda. Barrikadalarda “Ukraina Qurolli Kuchlariga shon-sharaf” degan yozuv ko‘zga tashlanadi.Foto: AP Photo
Konstantinovka shahrida yashovchi ayol qo‘shnilarining idishlarni suvga to‘ldirib bermoqda. Buning uchun ayolga soatlab vaqt kerak bo‘ladi. Shaharning ko‘plab aholisi uchun ayolning uyidagi manba — toza suv olishning yagona yo‘li.Foto: AP Photo
Velosiped mingan keksa kishi Pokrovska ko‘chasi bo‘ylab harakatlanmoqda. Shahar front chizig‘idan bir necha o‘nlab kilometr uzoqlikda joylashgan. Aholisi evakuatsiya qilinayotgan Donetsk viloyatidagi hozir ishlab turgan yagona vokzal aynan shu yerda joylashgan. Shahar muntazam ravishda o‘qqa tutilmoqda.Foto: AP Photo
Izoh (0)