Қиролича Елизавета II нинг набираси Луиза боғ марказида кассир ёрдамчиси бўлиб ишга кирди. Олий ўқув юртига кириш имтиҳонларини топшириб бўлгач, у ярим кунлик иш топишга қарор қилган. Қиз соатига 6,63 фунт стерлинг олади, бу 7,85 долларга тенг. Daily Mail нашри Луиза Суррей графтлигидаги Багшот паркда жойлашган 30 миллион фунтлик қасрда яшашини эслатиб ўтди.
Шаҳзода Эдварднинг қизи Луиза ва рафиқаси Софи бу ёзда Сент-Эндрюс университетига ўқишга кирди. Энди сентябргача, Луиза боғ марказларидан бирида кассирга ёрдам беради: у боғдаги ўсимликларни парваришлайди, ташриф буюрувчиларга хизмат қилади.
Мижозларнинг The Sun нашрига айтишича, улар Луизани иш жойида кўриб, ҳайратда қолган:
Бу Леди Луиза эканига ишонолмадим. У жуда камтарин ва ширинсўз, мулойим ва мижозларга эътиборли қиз. Афтидан, у ўз ишидан завқланаётганга ўхшайди, — дейди улардан бири.
Ҳозир инқироз юз бераётгани ва ҳамма нарса қимматлашаётганини биламан. Аммо қироличанинг набираси боғда ишлаётганини кўраман деб ҳеч ўйламагандим, — таъкидлаган яна бир мижоз.Нашрларда Луизанинг иш куни қанча давом этишига аниқлик киритилмаган. Аммо агар у ҳафтада саккиз соат ва беш кун ишлайди, деб ҳисобланса, ойига тахминан 1,1 минг фунт стерлинг (тахминан 1,3 минг доллар) олади. Шу билан бирга, Буюк Британияда ўртача ойлик иш ҳақи Миллий статистика хизмати маълумотларига кўра, 2,076 минг фунт стерлингни (тахминан 2,4 минг доллар) ташкил қилади.
Изоҳ (0)