Эстония Россияга қарши санкцияларнинг саккизинчи пакетини киритишни таклиф қилади

Эстония Евроиттифоққа Россияга қарши санкцияларнинг саккизинчи пакетини киритишни таклиф қилади. Бу ҳақда Эстония ташқи ишлар вазири Урмас Рейнсалу маълум қилди, деб ёзади «РБК».

Вазирнинг сўзларига кўра, бундай қарор яқинда бўлиб ўтган мамлакат ҳукумати йиғилишида қабул қилинган. Эстония Россияга қарши иқтисодиёт, энергетика ва савдо соҳаларидаги санкцияларни кенгайтиришни ҳамда Европа санкция рўйхатларига янги компаниялар ва кўпроқ жисмоний шахсларни киритишни таклиф қилмоқчи. Таллин, Рейнсалунинг сўзларига кўра, Россия фуқароларига қарши худди Эстония қилгани каби қўшимча санкциялар киритилиши учун бутун Шенген виза Макони бўйича сиёсий консенсусга эришиш устида ишламоқда.

18 август куни Эстония ўзи аввалроқ Шенген визаларини берган россияликларни киритмай қўйди. Энди фақат дипломатик виза эгалари, халқаро ташувлар соҳаси ишчилари, Эстонияда қариндоши бўлганлар ва яна бошқа тоифадаги фуқароларгина мамлакатга кириши мумкин. Бундан ташқари, россияликлар ҳозирча Эстония Шенгени билан Евроиттифоқнинг бошқа мамлакатларига кира олади, агар Евроиттифоқнинг бошқа давлатидан олинган Шенген визаси бўлса, у ҳолда Эстонияга ҳам кириш мумкин.

Аввалроқ Литва ва Финляндия ҳам россияликлар учун турли чекловлар ҳақида келишиб олганди. Латвия ҳукумати аввалроқ россияликларга берилган истиқомат гувоҳномаси муддатини узайтирмасликка ва Шенген визаси билан Латвияга киришни чеклашга қарор қилди. Финляндия эса сентябрдан виза учун сўровларни кўриб чиқишни ўн маротаба қисқартиришини эълон қилди.

Россия Евроиттифоқ мамлакатларининг ушбу қарорларини изоҳлар экан, уларни россияликалрга нисбатан дискриминацион деб атади.

Россия Украинада махсус ҳарбий операция бошлаганидан буён, Евроиттифоқ Москвага қарши санкцияларнинг еттита пакетини жорий қилди. Сўнгги марта Брюссель 22 июль куни чекловлар киритган эди.

Москва дўст бўлмаган мамлакатларнинг хатти-ҳаракатларига нисбатан ўзининг чеклов чораларини киритди.