13 август куни Тожикистоннинг Нурек шаҳрида Хатлон вилояти ва Ўзбекистоннинг Сурхондарё вилояти ўртасидаги ҳамкорликни ривожлантириш форуми доирасида умумий қиймати 26,6 миллион долларлик маҳсулот ва маҳсулотлар етказиб бериш бўйича 6 та шартнома имзоланди. Бу ҳақда Хатлон вилояти ҳокимлигига таяниб Asia-Plus хабар берди.
Қайд этилишича, форумда икки вилоят тадбиркорлари, шунингдек, Хатлон вилояти раҳбарлари Қурбон Ҳакимзода ва Сурхондарё Тўра Боболов иштирок этган. Форумда икки давлатнинг сармоявий имкониятлари ва экспорт салоҳияти ҳақида фикр юритилган.
Форум якунлари бўйича икки вилоят ўртасида «Йўл харитаси», туризм соҳасида ҳамкорлик тўғрисида меморандум, 15 та инвестисия шартномаси имзоланган. Жами 23 та ҳамкорлик шартномаси имзоланган.
12 август куни Хатлон вилоятига ташриф буюрган Ўзбекистон делегацияси вилоятдаги кичик саноат корхоналари, замонавий иссиқхоналар, тарихий обидалар, қишлоқ хўжалиги ерларида бўлган.
Жорий йилнинг биринчи ярмида икки давлат ўртасида 262 миллион доллардан ортиқ савдо айланмаси амалга оширилган. Бу 2021 йилнинг шу даврига нисбатан 32,4 фоизга кам ҳисобланади.
Экспорт қарийб 97 миллион долларни, импорт эса 165 миллион доллардан зиёдни ташкил этган.
Изоҳ (0)