Ўзбекистон жамоаси «Ҳарбий ралли»да иштирок этиш учун Россиянинг Тува республикасига етиб борди. Бу ҳақда Мудофаа вазирлиги хабар қилди.
Меҳмонлар оркестр садолари остида тантанали равишда кутиб олинган. Меҳмонларга поклик, муқаддаслик ва фаровонлик рамзи бўлган туваликларга хос шойи бўйинбоғлар — хадаклар топширилган.
Жамоалар ҳарбий техника ва қуролларни тайёрлаб, машғулотларни бошлаб юборган. Ҳозирда мусобақа ўтказиладиган йўналиш ва босқичлари учун яратилган шароитлар билан танишмоқда.
Мусобақа давомида ҳарбий ҳайдовчилардан «КамАЗ» ва «Урал» техникаларида турли тўсиқларга эга 1000 километрдан ортиқ масофани босиб ўтиш, «Тигр» зирҳли автомобили бортидан «Калашников» пулемёти орқали ўт очиш ҳамда «АК-74» ёрдамида 100 метр узоқликдаги нишонни жамоа бўлиб ишғол этиши талаб этилади.
«Ҳарбий ралли» биринчи бор икки давлат ҳудудида — Россия ва Моғулистонда 13—19 август кунлари бўлиб ўтади.
Изоҳ (0)