Бухоро ва Андижон вилоятларида фуқароларни ишга киритиб қўйиш ҳамда хорижга ишга юборишни ваъда қилган фуқаролар ушланди. Бу ҳақда Иқтисодий жиноятларга қарши курашиш департаменти хабар берди.
Қайд этилишича, Бош прокуратура ҳузуридаги департаментнинг Когон шаҳри бўлими томонидан ИИБ ходимлари билан ҳамкорликда тезкор тадбир ўтказилган. Унда фуқаро А.А. ҳамда «Э.Э.» хорижий компаниясида ишловчи С.Г. ўзаро тил бириктириб, фуқаро Р.ни ушбу компанияга ишга киритиб қўйиш эвазига 600 долларни олган вақтида ашёвий далиллар билан ушланган.
Шу каби ҳолат Андижонда ҳам кузатилган. Департамент ҳамда ДХХнинг Қўрғонтепа тумани бўлимлари томонидан ўтказилган тезкор тадбирда фуқаро Н.Х. бошқа бир фуқаро Н.ни танишлари ёрдамида Эстонияга ишга юбориши эвазига 800 долларни олган вақтида ашёвий далиллар билан ушланган.
Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.
Изоҳ (0)