Жиззах шаҳарида 10 август куни соат 22:00 ларда Cobalt ёниб кетди. Бу ҳақда вилоят ЙҲХБ матбуот хизмати хабар берди.
Маълум қилинишича, воқеа шаҳарнинг «Олмазор» МФЙ ҳудудидан ўтувчи 4Р 38 автомобиль йўлининг 19 километрида юз берган. Учтепа—Жиззах йўналиши бўйича ҳаракатланиб келаётган Nexia «Зилол» МФЙ чорраҳасидан чапга қайирилиб олаётган Cobalt’ни орқа томонидан бориб урилган. Оқибатда Cobalt’да ёнғин келиб чиққан.
Ушбу ёнғин натижасида ҳеч ким тан жароҳати олмаган, бироқ автомашина тўлиқ ёниб кетган.
Ҳозирда мазкур ҳолат юзасидан Жиззах шаҳар ИИБ ҳамда Фавқулотда вазиятлар бошқармаси томонидан суриштирув ҳаракатлари олиб борилмоқда.
Изоҳ (0)