Хоразм вилоятининг Боғот туманида Nexia-2 ва ЙПХ инспектори Lacetti хизмат автомашинаси иштирокида ЙТҲ юз берди. Бу ҳақда вилоят прокуратураси матбуот хизмати хабар берди.
Аниқланишича, 8 август куни соат 00:10 ларда Боғот тумани, «Найман» маҳалласида яшовчи фуқаро М.А. Nexia-2 ни ҳайдаб кетаётиб, туманнинг Ўзбекистон ва Феруз кўчалари туташган чорраҳада автомашинасининг олд ўнг томон бурчаги билан вилоят ИИБ ЖХХ ЙҲХБ 4-сафарбар гуруҳи ЙПХ инспектори Э.Р. бошқарувидаги Lacetti хизмат автомашинаси олд чап томон бурчагига уриб, тўқнашган.
Йўл транспорт ҳодисасида ҳеч ким тан жароҳати олмаган. Ҳодиса содир бўлган жой Боғот туман прокуратураси терговчиси раҳбарлигидаги тергов–тезкор гуруҳи томонидан кўздан кечирилган.
Дастлабки тиббий кўрикда (алкотестрда) фуқаро М.А.нинг мастлиги аниқланган бўлса, ЙПХ инспекторида мастлик ҳолати қайд этилмаган. Ҳолат юзасидан суд–тиббий, суд-кимёвий, суд-автотехника ва суд–трасологик экспертизалари тайинланган.
Хабарда таъкидланишича, ҳозирда ЙТҲнинг батафсил тафсилотларини аниқлаш юзасидан Боғот туман прокуратураси томонидан терговга қадар текширув ҳаракатлари олиб борилмоқда. Ҳолат вилоят прокуратураси томонидан назоратга олинган.
Аввалроқ Наманган вилояти Давлатобод туманида ҳам шу каби ЙТҲ юз берганди. ЙПХ инспекторига бириктирилган Lacetti хизмат автомашинаси ўзи билан бир йўналишда ҳаракатланиб келаётган Nexia ўнг ён томонига бориб урилган.
Мавзуга доир:
Изоҳ (0)