АҚШ Германияга биринчи марта олтингугуртли нефть етказиб берди

Германиянинг Росток шаҳрига биринчи марта АҚШ олтингугуртли нефть етказиб берилган. Бу ҳақда Reuters хабар бермоқда.

Ушбу нефть таркибида олтингугурт миқдори юқори (0,5 фоиздан ошиқ) бўлади.

Нефтьни қайта ишлаш заводлари 2023 йилда импорти тақиқланадиган Россия нефтига муқобил топишга уринишлари фонида АҚШдан олтингугуртли хом ашё Германияга жўнатилди.

Refinitiv кема кузатув хизмати маълумотларига кўра, Cаприcорн Сун танкери 3 август куни АҚШнинг Луизиана штати қирғоқлари яқинида нефть ортиб, Ростокга туширган.

Кема Шелл томонидан ижарага олинган. Reuters маълумотларига кўра, у тахминан 570 минг баррель хом ашё ташиши мумкин.

Европа Иттифоқи июнь ойида бир қатор истиснолардан ташқари, Россиянинг танкерлар орқали нефть етказиб беришига эмбарго жорий қилган. У 2022 йил охирида тўлиқ ишга тушади.

Қайта ишлаш корхоналари Россия нефтини Норвегия, Саудия Арабистони, Британия ва АҚШ хом ашёси билан алмаштиришни режалаштирмоқда.

2021 йилда АҚШ кунига қарийб 3 млн баррель нефть экспорт қилди, аммо Германия жуда кичик харидор бўлиб, кунига тахминан 77 минг баррелни импорт қилади.