Ўзбекистонда келгуси йил ҳосили учун картошка уруғликлари захирасини яратиш бўйича жойларда ташкилий ва агротехник тадбирлар олиб борилмоқда. Бу ҳақда Қишлоқ хўжалиги вазирлиги хабар берди.
2023 йил ҳосили учун 2022 йилда экилган эртаки ва кечки картошкалардан уруғлик заҳирасини яратишда ушбу экинни даладан нес-нобуд қилмай йиғиштириб олиш, уни совиткичли, оддий ҳамда фермер хўжаликларининг омборларида сақлаш режалаштирилган.
Шунингдек, уруғликларни касаллик ва зараркунандалардан ҳимоя қилиш ишларини тизимли ташкил этиш муҳим ҳисобланади.
2023 йил ҳосили учун 30,4 минг фермер ва қишлоқ хўжаликлари корхоналари томонидан 106 минг гектар асосий майдонларга картошка жойлаштирилган.
Ушбу асосий майдонлар учун 267 минг тонна уруғлик талаб этилиши ҳисоб-китоб қилиниб, шундан, жорий йилда 289 минг тонна (2 минг тонна қўшимча) уруғлик картошка жамғариш белгилаб олинган.
Жорий йилнинг 5 август ҳолатига кўра, 43,6 минг тонна ёки 15 фоиз уруғлик картошка жамғарилган.
Шундан, 11,7 минг тоннаси совиткичли омборхоналарда ва 31,9 минг тоннаси оддий омборхоналарда сақланмоқда.
Аввалроқ Ўзбекистонга картошка асосан қаердан кириб келаётгани ҳақида хабар берилганди.
Изоҳ (0)