Ўзбекистон 2022 йилнинг январь—июнь ойларида 21 та хорижий давлатдан қиймати 21,8 млн долларга тенг бўлган 16,1 минг тонна чой импорт қилган. Бу ҳақда Давлат статистика қўмитаси матбуот хизмати хабар бермоқда.
Чой импорти ўтган йилнинг мос даври билан солиштирилганда 788 тоннага ошган. 2021 йилнинг ярмида 20,2 млн долларлик 15,3 минг тонна чой олиб келинган эди.
2022 йилнинг олти ойида Ўзбекистон чой маҳсулотини энг кўп импорт қилган давлат Хитой бўлиб турибди — 13,2 минг тонна. Хитойдан Чой импорти ўтган йилнинг мос даврига қараганда 1,1 минг тоннага кўпайди.
Кения эса бу кўрсаткич бўйича иккинчи ўринни эгаллади. Ушбу мамлакатдан 940 тонна чой олиб келинган (ўтган йилга қараганда 160 тоннага кам).
Учинчи ўринни ўтган йиллардаги каби Эрон эгаллади — 431 тонна. Эрондан чой импорти 142,3 тоннага камайган.
Бундан ташқари олти ой ичида Индонезия, Вьетнам, Ҳиндистон, Шри-ланка ва Россия каби давлатлардан ҳам чой импорти 2021 йилга қараганда қисқарган.
Изоҳ (0)